zazaki.net
21 Temmuze 2017 Îne
Girdîya Karakteran : 12 Punto 14 Punto 16 Punto 18 Punto
21 Adare 2015 Şeme 08:34

Hûmara 73. ya Newepelî Vejîya

Xebere: Zazakî.Net

Roportajê na hûmare Alî Aydin Çîçekî muzîsyen Bariş Gulerî reyde kerdo. Bariş vano “Zonê însanî raya însanî ya. Gencê ma nika nîşkînê qese bikerê, zon xo vîr ra kerdo. Êyê ke metropol der ê, ê tewr qese nikenê, kulî tirkî qese kenê. Naye de xetaya pîlanê ma zî zaf a. Çunke ma vanîme, şima qey zonê xo nêmusnenê domananê xo? Vanê, îndî çax degiş bîyo.

M. Emîn Kaçanî Helebçe ser o nuşto. Murad Canşadî derheqê zimbêlan de nuşto. Nuşteyê bînî yê na hûmare Xurşîd Mîrzengî, Kendal Tosun û Mujdat Gîzlîgolî nuştê. Wesîle Doguç û Mistefa Gomayijî sanikî arêdayê. Ebdulqadir Necaranijî yew mesela arêdaya. Ehmedê Dirihî, Îsmet Bor û Mehmud Arif Ayçîçekî çîyê folklorîkî arêdayê.

Şîîrê na hûmare Şewal Hejar, Ugur Sermîyan, Roj Yaşar Dayanç, Canê Dilo, Îrfan Sîmserkîsij û Alî Şekerî nuştê.

Nuştoxanê na hûmare ra Şewal Hejar û Roj Yaşar Dayanç reya verên a ke bi kirdkî nusenê.

Mehmed Yergînî Mewlanayî ra yew vate tercume kerdo, Nadîre Guntaş Aldatmaz werdê ma nuştê, Ehmedê Dirihî sey heme hûmaranê bînan nameyê nebatan arêdayê.

Na xebere 2820 rey wanîyaya
No nuşte hema şîrove nêbîyo.