zazaki.net
19 Oktobre 2017 Panşeme
Girdîya Karakteran : 12 Punto 14 Punto 16 Punto 18 Punto
17 Tebaxe 2014 Yewşeme 20:07

Hûmara 66. ya Newepelî Vejîya

Xebere: Zazakî.Net

Hûmara 66. ya rojnameyê Newepelî bi muhtewayêka dewlemende vejîya.

Nuşteyê edîtorî yê na hûmare de behsê kitabê Grigory Petrovî ke 1928 de bi nameyê “Beyaz Zambaklar Ülkesinde” tercumeyê tirkî bîyo, beno. Edîtor nuşteyê xo de vano “Her milet eşkeno xo gore nê kitabî ra derse bigîro. Mi her wext meraq kerdêne ke nê tirkî xizmetê welat û miletê xo de senî motîve benê, çîyo ke înan hende konsantre keno çi yo. Ez nika bawer kena ke motîvasyonê milî yê tirkan de, bitaybetî kadroyanê kemalîstan de, rolê nê kitabî zaf xorîn o. Miletê ma zî eşkeno nê kitabî ra zaf îstîfade bikero.

Roportajê na hûmare Murad Aygunî muzîsyen Taylan Yıldızî reyde kerdo. Taylan Yıldız roportaj de behsê xebata xo ya muzîkî keno.

Îhsan Tektaşî derheqê qetlîamê ke badê Herbê Şêx Seîdî dewa Licê Comelaş de bîyo nuşto. Îsmet Bor û Şeyda Asmîn her yewî yew hîkayeya kilmeke nuşta. Sevîm Aydin, Necîbe Kirmizigul, Bedrîye Topaç, Hacer Petekkaya, Mehmed Qedrî Tarhan, Îdrîs Sîmserkîsij, Muhamed Deza Batur û Aydin Çilkanî şîîrî nuştê. Remzîye Bayram kitabê hîkayeyan yê Alî Aydin Çîçekî Teberikî ser o nuşto. Mistefa Gomayij û Murad Murxanî her yewî yew mesela nuşta, Celal Nêrgiz û M. Mamet Qetekonijî her yewî yew sanike arêdaya. Nadîre Guntaş Aldatmaz sey hûmaranê verênan werdê ma dayê şinasnayene, Ehmedê Dirihî zî nameyê nebatan dewam kerdê.

Nînan ra teber sey hûmaranê verênan xeberî, xaçepers û ferhengek na hûmare de ca gênê.

Na hûmare de nuştoxê neweyî Mehmed Qedrî Tarhan û Aydin Çilkanî yê.

Newepel mektebê heqîqî yê musayîşê wendiş û nuştişê kirdkî yo.

Newepel biwanîn, bidîn wendiş.

Na xebere 2217 rey wanîyaya
No nuşte hema şîrove nêbîyo.