zazaki.net
29 Adare 2024 Îne
Girdîya Karakteran : 12 Punto 14 Punto 16 Punto 18 Punto
19 Êlule 2013 Panşeme 19:58

Hûmara 55. ya Newepelî Vejîya

Xebere:Zazakî.Net

Hûmara 55. ya rojnameyê Newepelî bi muhtewayêka dewlemende vejîya.

Na hûmare de di roportajî estê. O yewin, Alî Aydin Çîçekî grûba muzîkî Koma Sîya Korta reyde kerda. Endamê kome Umut û Yoldaş derheqê xo û xebata xo ya muzîkî de gelêk melumatan danê. Endamê kome derheqê ziwanî de zî vanê: “Her kesî rê zonê xo rindek o, zonê xo weş o. Ma rê jî no zon rindek o, no zon weş êno. Ma wazenîme ke zonê ma jî zê zonanê bînan her het ra aver şoro. Ma gore îmkananê xo hebê muzîkî nê virazenîme.”

Roportojo bîn zî Metîn Kulî hunermendanê Dêrsimî ra Alî Baranî reyde kerdo. Alî Baran derheqê xo de zî derheqê Dêrsimî de zî melumatanê muhîman dano. Hunermendê ma Alî Baran vano “Ma Bargînî de kurmancî qesey keme, ema ez kirmanckî vano, no zon zonê ma o. Zonê kirmanckî zaf zengîn o, zaf rind o. Ez wazen ke domanê kirmanco nê zonê ma xo vîr ra mekerê. Çike no zon tarîxê ma û. Eke kirmanckî bimro, o waxt jû tarîxê kurdan mireno.

Nuşteyê edîtorî de ancî meselaya ziwanî û vera ziwanî de xemsarîya şarê ma, bitaybetî bêeleqeyîya sîyasetê kurdan rexne bena. Edîtor vano: “Nê serranê peyênan de kurdanê ma yê Bakurî yew edeto zaf xirab rast kerdo, hema ke tutê înan maya xo ra benê, dest pêkenê, tey tirkî qisey kenê. Çira wina kenê, sedemê xo çi yo, ez nêzana! Axir cewabê xo çi beno wa bibo, eleqeyê xo îhtîyac ra yan tedaya dewlete ra nîyo.”

Bedrîye Topaç, Sevîm Aydin, Zerîn Azrawa, Fatma Çelîktepe, Hacer Petekkaya, Murad Canşad, Sezaî Memîş, Rohelat Aktulum û Îsmet Bor bi nuşteyanê xo beşdarê na hûmare bîyê. Akman Gedîk, Şoreş Şêrko, Yucel Eşsizoglu, Eser Guzelçay û Ozgur Hanî zî bi şîîranê xo na hûmare de ca girewto. Dr. Sebahedîn Borî zî hetê Çewlîgî ra yew sanike arêdaya. Nê nuştoxan ra Şoreş Şêrko, Eser Guzelçay û Ozgur Han reya verên a ke nusenê.

Nînan ra teber ancî sey hûmaranê verênan nameyê nebatan, xaçepers, ferhengek û gelêk xeberê muhîmî na hûmare de estê.

Newepel, hênîyo esîl yê cuya kirdkî (kirmanckî, zazakî, dimilkî) yo.

Newepel biwanîn, bidîn wendiş. Bibîn abone, bidîn ciwînayîş.

Na xebere 2928 rey wanîyaya
ŞÎROVEYÎ
..
berat
silam, newepel çewlig de seni pêda bena. qewet bo şima ri.

_____________________________
Newepel tîya roşîyeno:
KİTMAR, MURAT KIRTASİYE, Maden Sokak, Güneş İş Merkezi, Bodrum Kat, No: 19, BİNGÖL Tel: (0426) 214 46 06 / 0535 687 78 45
01 Oktobre 2013 Sêşeme 16:18
çekuyi
adır
çekuya "rerxne"mın fam nekerd gelo yeno çı mana.yew embaz nustekenosa zaf zerweş bon
____________________
rexne (n): eleştiri
20 Êlule 2013 Îne 20:13
TEBRİK
BEWAYİR
Waxto ke ez Newepelî waneno, zerrîya mi şa bena. Çimki mezgê mi veyşanê ziwanê min o. Rençberê Newepelî berxudar bê, şima tim şen bibê. Homa (Ella) ardimcîyê şima bo…
20 Êlule 2013 Îne 08:13