zazaki.net
23 Oktobre 2017 Dişeme
Girdîya Karakteran : 12 Punto 14 Punto 16 Punto 18 Punto
08 Nîsane 2011 Îne 15:05

Hûmara 35. ya Kovara Vateyî Vejîya

Xebere: Zazaki.NET

Hûmara 35. ya kovara Vateyî ke hetê Grûba Xebate ya Vateyî ra yena weşanayş, vejîya. Hûmaranê verênan ra ferqo tewr muhîm yê na hûmare no yo ke redaksîyonê kovare vurîyayo. Hetanî hûmara 34. serredaktorê kovare M. Malmîsanij bi, J. Îhsan Espar û Mehemed Selîm Uzun zî endamê redaksîyonî bîy. La hûmara 35. de serredaktor Munzur Çem o, Serdar Bedirxan û Deniz Gunduz endamê redaksîyonî yê. Coka merdim leze tey vejeno ke hetê redaktekerdişî ra mîyanê hûmaranê verênan û hûmara 35. de ferq esto.  

Yewna çîyo balkêş yê hûmara 35. zî no yo ke, nuştoxê cinî bi nuşteyanê xoyê muhîman giranîya xo daya hîskerdiş. Nimûne, edebîyat de teswîrkerdişê karakterê cinîyan romanê Deniz Gunduzî SORO de hetê Esra Altun ra ameyo analîzkerdiş. Nadîre Gundaş Aldatmaz nuşteyê xo yê bi sernameyê “Edebîyatê Kirmanckî (Zazakî) de Rolê Vateyî” averşîyayîşê edebîyatê modernî yê kirmanckî de rolê Grûba Xebate ya Vateyî analîz kerdo. Hewna, cinîyêka bîne, yanî Netîce yew hîkaya Anton Çexovî înglîzkî ra û yew şîîra Ehmed Arifî zî tirkî ra çarnaya kirmanckî ser. Beşdarbîyayîşê cinîyan bi edebîyatê kirdkî, cayê şadî û bextîyarîye yo.

Na hûmare de Alî Beytaş, Alî Riza Kalan û Alî Aydin Çîçekî, her yewî yew hîkaye nuşta.

Akman Gedîk, Munzur Çem, Serdar Bedirxan, Îrfan Kaya, Mehmud Nêşite, Seyîdxan Kurij û B. Şîlanî babetanê cîya-cîyayan de her yewî yew nuşte nuşto. Nînan ra nuşteyê Munzur Çemî “Welatê Kengurîyan de” ke qalê gêrayîşê xoyê welatê Awustralya keno, balkêş o.

Bîlal Zîlan, Daîmî Bîngol, Oktay Ersoy û Gawanê Welatî na hûmare de şîîrê xo dayê weşanayîş.

Ozcan Yilmazî La Fontaine ra di fablî çarnayê bi kirmanckî ser. Murad Canşadî qismêk îdyom û fiqrayî dayê weşanayîş. J. Îhsan Esparî çend deyîrê ke hetê Pîranî ra arêday, na hûmare de dayê weşanayîş.

Na xebere 2055 rey wanîyaya
ŞÎROVEYÎ
newe
mihemed
pîroz bo.
08 Nîsane 2011 Îne 16:20