zazaki.net
29 Adare 2024 Îne
Girdîya Karakteran : 12 Punto 14 Punto 16 Punto 18 Punto
01 Tebaxe 2012 Çarşeme 09:54

Hûmara 34. ya Newepelî Vejîya

Xebere: Zazakî.Net

Hûmara 34. ya rojnameyê safî kirdkî Newepelî bi muhtewayêka dewlemende vejîya.

Roportajê na hûmare muzîsyena kirmancan Roşna reyde bîyo. Roşna derheqê xebata xo ya muzîkî û albumê xo de melumat dana.

Murad Canşadî derheqê vengvetişê heywanan û kirmanckî de namekerdişê nê vengan ser o nuşto. Zerîn Azrawa çarçewaya efsaneyan de derheqê bawerîya şarê ma de nuşteyêko erjaye nuşto. Bedrîye Topaç ancî nuşteyêko edebî nuşto. Umer Faruq Ersozî temaya serepiştişê kênayan ser o hîkayeyêka erjaya nuşto. Esad Namdarî derheqê muhîmîya ziwanê dayîke de nuşto. Rohelat Aktulumî hem çibenokê ke arê dayê hem zî yew kaya domanan ke nuşta, dayê weşanayîş.

Na hûmare de Mulkîye Ongul, Mete Kul, Nîzamedîn Ozoglu û Gursel Bîngolî zî her yewî yew şîîre daya weşanayîş. Nê her çar nuştoxî reya verên a ke Newepel de nusenê. Nînan reyde hûmara kesanê ke hetanî ewro Newepel de nuşto resa 106 kesî.

Yew metnê bi sernameyê “Miftî ew Qadî” ke kitabê Terry Lynn Toddî “A Grammar of Dimilî” (Gramerê Dimilkî) ke 1985 de weşanîyayo ra ameyo girewtiş zî na hûmare da weşanîyayo. Ancî çend xeberê muhîm û taybetî zî na hûmare de ca girewto.

Cumleya peyêne ya nuşteyê edîtorî zî wina ya: “Mesrefê na hûmare de Ehmedê

Elon ma rê ardim kerd. Keyeyê ey û şima pîya awan bo. Heta yewna hûmare Homa pîl o!  

 

Na xebere 3029 rey wanîyaya
No nuşte hema şîrove nêbîyo.