zazaki.net
16 Tebaxe 2017 Çarşeme
Girdîya Karakteran : 12 Punto 14 Punto 16 Punto 18 Punto
17 Nîsane 2012 Sêşeme 15:38

Hûmara 27. ya Newepelî Vejîya

Xebere: Zazakî.Net

Hûmara 27. ya rojnameyê kulturî yê pancêsroje Newepelî vejîya.

Na hûmare de çîyo ke tewr zêde bala merdimî anceno zêdebîyayîşê nuştoxanê neweyan o. Şengul Arslan, Zerîn Azrawa, Edalet Işiktaş, Adir Dêrsimij, Mujdat Gîzlîgol, Mehmûd Oktar, Doxan Munzuroglu, Îdrîs Yazar, Nusret Uzel, Mucahîd Baran û Haqan Yaşar, reya verên a ke bi kirdkî nusenê û nuşteyê înan Newepel de ca girewto. Nînan ra teber zî nuşteyê Nadîre Guntaş Aldatmaz, Esad Namdar û Rohelat Aktulumî na hûmare de estê.

Roportajê na hûmare, Seyîdxan Kurijî hunermendê tîyatro û sînema Rindoyî reyde kerdo. Rindo roportajê xo de vano “Hunermend eşkeno xoser hunerî virazo, eşkeno xoser karanî polîtîkî zî bikero. Mecbur nîyo endamî yew partî bo, inahawa çarçewa xebata hunermendî teng kena. Gereka hunermend xebata xo semedê cematî xo bikero, nêke tena semedê embazanî yew partî ya.

Nuşteyê edîtorî de behsê kursanê kirdkî ke hetê komela Ziwan-Komî ra dîyenê keno û vano hetanî nika ma panc kursî dayî, kursîyerê ke beşdarê nê kursan bîyê, zafê înan dest bi nuştişê kirdkî kerdo. Edîtor nuşteyê xo de vano “ ez vana qey zafê kursan de, seba ke metodolojî rast nîyo, hişê kursîyeran dîyeno têmîyan ro. Çîyo ke zanê zî ê kursan de kenê xo vîr ra. Yan ney, çira hende serrî yo ke kursî dîyenê, her kurs de bi desan merdimî beşdar benê la çîyê meydan de çin o?

Ez vana qey, kursanê bînan de xeletîya tewr muhîme na ya ke, sey matematîk yan geometrî, wina wişk û şematîk, tena hetê gramerî ra ewnênê ziwanî ra. Kenê xo vîr ra yan zî ferq de nîyê ke ziwan tena gramer ra îbaret nîyo, ziwan sîstemêko komplîke yo. Ganî merdim bala xo bido pêroyîya sîstemê ziwanî ser.

Newepelî reyde wendiş û nuştişê kirdkî roje bi roje vêşî beno, kadroyê kirdkî zêdîyenê. La seba ke Newepel weşana xo dewam bikero her hetan ra hewceyîya xo bi wayîrîye esta.

Na xebere 1697 rey wanîyaya
ŞÎROVEYÎ
24,04,2012 seşem
rojé şewray
silam u hurmet şıma périnré
24 Nîsane 2012 Sêşeme 12:18
20.04.2012 inne
rojé şewray(muhammed çelikten)
helal bo bîrayandé mé ré Ellah kar u gırwey şıma raş biyaro. ez ki zazaki nusané, nuşteyoné xo şımaré sîni bıréşi?
___________________________
Bira
Nuşteyê xo newepel@hotmail.com rê binuse.
Zaf selamî...

20 Nîsane 2012 Îne 15:32
Gîzlîgol
Mujdat
Enbaza pêrinrê silam u hurmet.
17 Nîsane 2012 Sêşeme 20:44