Hûmara 25. ya Newepelî Vejîya

Hûmara 25. ya rojnameyê kulturî Newepelî vejîya.

Rîpelê verênî yê na hûmare de derheqê serrgêra jenosîdê Helebçe, roşanê Newroze û serrgêra dardekerdişê şehîd Qazî Mehemedî de anekdotê muhîmî estê.

Na hûmare de C.Z. Pîranijî muzîsyen Soner Soyerî reyde roportaj kerdo. Soner Soyer derheqê xebata xo ya muzîkî û xeyalanê xo de gelek melumat dano.

Nuşteyê edîtorî de behsê xebata vilakerdişê Newepelî û hemkaranê xebata rojnameyî beno.

Nuştoxanê ke newe dest bi nuştişê kirdkî kerdo ra Yaşar Balukenî, ancî Îbrahîm Bîngol û Hesen Çakirî her yewî yew nuşte nuşto. Nuştoxanê cinîyan ra zî Bedrîye Topaç û Şeyda Asmîn her yewe yew nuşte nuşto.

Ancî na hûmare de Cemîl Robarî şîîrêka Şêrko Bêkesî û Dîyadîn Şewsipî zî şîîrêka Borîs Pasternakî tercume kerda, Rohelat Aktulum û Hesê Belê zî her yewî yew şîîre nuşte.

Xebera tewr muhîme ya na hûmare na ya ke cildê Newepelî vejîyayê. Goreyê melumatê ke xebere de dîyenê, 24 hûmarê Newepelî sey cild êdî yew ca de yê. Kesê ke wazenê bibê wayîrê cildê yewin yê Newepelî şênê newepel@hotmal.com rê binusê. Vaya cildê Newepelî yê 24 hûmaran 40 TL ya.