zazaki.net
20 Oktobre 2017 Îne
Girdîya Karakteran : 12 Punto 14 Punto 16 Punto 18 Punto
02 Adare 2012 Îne 09:28

Hûmara 24. ya Newepelî Vejîya

Xebere: Zazakî.Net

Hûmara 24. ya rojnameyê Newepelî vejîya. Bi na hûmare yew serra rojnameyî debîye.

Seke yeno zanayene roja 15 adare 2011 de hûmara yewine ya Newepelî vejîyabî. Hetanî ewro bi hawayêko perîyodîk û bê mabeyn her pancês rojan ra reyêk rojnameyî weşana xo dewam kerde û resa hûmara xo ya vîst û çarine.

Nuşteyê edîtorî yê na hûmare de yeno vatiş ke, nê 24 hûmaran de merdimanê ke roportaj dayo û nuşteyê ke sewbîna çimeyan ra neql bîyê ra teber, tam 75 kesan seba Newepelî nuşteyê xo şawitê. Nînan ra tewr tay 40 kesan reya verêne Newepel de dest bi nuştiş kerdo û zafê nînan nika bi domdarî nusenê. Beno ke bi seyan merdimî reya verêne Newepelî reyde dest bi wendişê kirdkî kerdo. Seba ke no proses nêmcet nêmano ganî ma her yew herinda xo ra bineyna paştgrîya Newepelî bikîn. Çunke seba domdarîya weşana Newepelî her hetan ra hewceyî bi hetkarîye esta.

Na hûmare de gelek nuştoxanê Newepelî derheqê yewserrîya rojnameyî de bi kilmîye fikrê xo vato. Mesela, nînan ra nuştox Seyîdxan Kurij analîzê Benedict Andersonî ra neql keno û vano “Prosesî miletbîyayişî de rolê çapemenîye û bitaybetî zî yê kovar û rojnameyan zaf muhîm o. Çunke yew welat de însanê ke yewbînan nas nêkenê, bi kovar, rojname, radyo û televîzyonan pêhesîyenî ke bajar û dewanê bînan de, yanî, cayanê bînan de zî însanê bînî estê ke ê zî ziwanê înan qisey kenê, sey înan ê. Yanî, ê yew camat ra yî. Bi no qayde, însanî gam bi game benî waharî vînayeyê mîlî.

Na hûmare de hîrê tene nuşteyê tarîxî zî weşanîyayê. Nînan ra yew bi nameyê “Hîkayetê Umer Îbnî Elî Kûsa” kitabê Albert van Le Coqî Kurdische Texte ke 1903 de berlîn de sey di cildan weşanîyayo ra gêrîyayo. Her di nuşteyê bînî zî rojnameyê Roja Newê ke 1963 de Îstanbul de weşanîyayo ra neql bîyê. 

Na hûmare de Umer Farûq Çetinkaplan, Neşet Guven, Firat Bulut, Xeyrî Yaşar bi nuşteyanê xo, ancî J. Îhsan Espar, Adir Tilistone, Ednan Bermazî şîîrî nuştê. Bê nînan zî gelek xeberê muhîmî hûmara 24. ya rojnameyê Newepelî de ca gênê.

Na xebere 1665 rey wanîyaya
ŞÎROVEYÎ
biciwe newepel
sukij
Bi xêyr u silamet pîroz bo
02 Adare 2012 Îne 12:57