zazaki.net
23 Oktobre 2017 Dişeme
Girdîya Karakteran : 12 Punto 14 Punto 16 Punto 18 Punto
03 Êlule 2010 Îne 19:46

Herinda Bananê Erdlerzî de yê Neweyî Virazîyênê

Xebere: Zazakî.Net

Walîyê Dêrsimî da zanayene ke do herinda bananê ke erdlerzê 8ê adara 2010î de zerar dîbi banê neweyî yê prefabrîkî bêrê viraştene.

Walîyê Dêrsimî Mistefa Taşkesenî meqamê xo de yew beyanat da çapemenîye û va, “Erdlerzê Depe de mintiqaya başûrê Dêrsimî zerar dîbi, coka ma do mexdûranê erdlerzî rê bananê prefabrîkan ke 50 m2 ra pêyenê virazin.”

Goreyê malumatanê ke walî day, mesrefê bananê neweyan do hetê Weqfa Sosyale ya Ardimî û Hemkarîye (SYDV) û Fonê Afatî (Afet Fonu) ra bêro dayene ke nika ra 2 mîlyon û 823 hezarî û 500 TL pere texsîs bîyo.

Pêrtage, Qisle û Mamekîye de do 143 banî bêrê viraştene. Mazgêrd de zî, seba ke erdlerz de tewr zêde zerar dîbi, do 100 banê neweyî bêrê viraştene û 35 banî zî tamîr bibê.

Seke yeno zanayene roja 8 adare 2010 de yew erdlerzo bi şîdetê 6.0 ke merkezê ey qezaya Depe ya Xarpêtî bi virazîyabi, gelek banî rijîyabîy û însanî telef bibîy.

Na xebere 1399 rey wanîyaya
ŞÎROVEYÎ
öztürkçe
yadin
erê bi dîtinê min haya derfet bibû gere ma tim ziwanê xwe bikaranîn û bidên musnayiş. ma nika bindest heval ew çiko ti vanî karê serdestana.
06 Êlule 2010 Dişeme 17:29
erdlerz
heşê qulî
erdlerz çekuya pey ra viraşte nîya. mîyanê şarê ma de (çewlîg de) vacîyena lazım nîyo herinda erdlerzî yewna çeku ardiş. zazakî de senî vacîyena ez nizana la ez öztürkçecilik nêwazena. çekuya ke tirkî ra dekewta zazaki û kurmancî wa pêro yî bibedelîyo bivurîyo çunke ê tirkan pê zorî bîya û yîn pê ziwanê ma xax kenî.
04 Êlule 2010 Şeme 13:18
lemlerz (ardhêj) (ardlerz)
yadîn
gelê rezdaran armanc mi rexnekerdin niyo. la erd bixwe peyvekî erebiye herindê zelzelî de ma vajin lemlerz hindene ruşena û zıwan ma de hind yeno wêrî .
04 Êlule 2010 Şeme 00:55