zazaki.net
29 Adare 2024 Îne
Girdîya Karakteran : 12 Punto 14 Punto 16 Punto 18 Punto
03 Teşrîne 2012 Şeme 02:10

Grûba Xebate ya Vateyî Dîyarbekir de Kom Bîye

Xebere: Zazakî.Net

Grûba Xebate ya Vateyî ke 1996 ra nat seba tespîtkerdişê qaydeyanê gramerî û standardîzekerdişê kirmanckî (zazakî) xebitîyena, kombîyayîşê xo yê 22. Dîyarbekir de kerd.

Grûbe roja 31.10.2012 de Dîyarbekir de dest bi kombîyayîşî kerd. Roja 02.11.2012 de, yanî hîrê rojan de kombîyayîşê xo temam kerd. Temaya nê kombîyayîşî qismêkê nameyê meslegan, termê trafîkî û kirmanckî de termê nazikvajîye bî.

Endamê Grûba Xebate ya Vateyî ke beşdarê kombîyayîşê 22. bîyî nê yê: M. Malmîsanij, Munzur Çem, J. Îhsan Espar, Mehemed Selîm Uzun, Roşan Lezgîn, Serdar Bedirxan, Deniz Gunduz, Mehmud Nêşite, Huseyîn Kulu, Nûredîn Celalî, Haydar Diljen, Cemal Pîranij, Şukrî Urgun, Muzafer Xeylanij, Tekîn Agacik, Netîce Altun, Zulkîf Demirtaş, Îbrahîm Bîngol, Doxan Karasu û Polat Aydin.

Grûbe qerar girewt ke Nadîre Guntaş Aldatmaz zî sey endama grûbe kombîyayîşanê ameyeyan de beşdar bibo.

Demeyê kombîyayîşî de serekê beledîyaya girde yê Dîyarbekirî Osman Baydemir û mudîrê dayreyê kulturî yê beledîye Muharem Cebeyî grûbe zîyaret kerde.

Grûbe hetanî nika 15 rey Ewropa de reyêke Dêrsim de, reyêke Mêrdîn de, reyêke Çewlîg de û bî çar rey zî Dîyarbekir de kom bena.

 

Na xebere 3540 rey wanîyaya
ŞÎROVEYÎ
Seba xebitişê şima zaf spas
Mehemed çelîkten
Ez zaf wazeni ki şima wa pîya nê kombîyayişan di bibî.
İnşallah yew roj beno.
Zaf selamî...
07 Teşrîne 2012 Çarşeme 02:02
sipi
sipi yeni
Heyfê şima nîyo :)
03 Teşrîne 2012 Şeme 07:47
Xebatê Şima rê Serkewtin
Mehmud Ozçelîk
Ma xebatê şima rê serkeftin wazenê, xebatê şima rê ma îstifade kenê û zazakî mojnena, nûsena û qisey jî kena.
Xebatê Grûba Xebate ya Vateyî verê ma roşn kena û ma vanê ne tenê kird, kurmanc zî wa seba bonderbiyayîşê zazakî bixebîtiyenê...
Resmê şima zî ma kêfweş kerd ki şaredarî zî ardimî şima kena û bala cemawerî oncena ser o zaravayê zazakî...
Her bijî biratiya zaravayê zazakî û kurmancî ya ki hetê hev ciwîyena û Hevdu geş kena...
Her kesî rê slav...
Mahmut Ozçelik (Kursiyerê şima yê dewra hezîranê)
03 Teşrîne 2012 Şeme 06:04