zazaki.net
19 Adare 2024 Sêşeme
Girdîya Karakteran : 12 Punto 14 Punto 16 Punto 18 Punto
02 Tebaxe 2017 Çarşeme 10:14

FÎHRÎSTÊ 100 HÛMARANÊ NEWEPELÎ

Amadekar: Roşan Lezgîn

Rojnameyo yewin o safî bi kirdkî Newepel 15 adare 2011 de Dîyarbekir de dest bi weşane kerd. Hetanî hûmara 50. pancês rojan ra reyêk, hûmara 51. ra pey aşme ra reyêk vejîya. Bi hûmara hezîrane 2017 resa 100 hûmaran û weşana xwu vindarna.

Newepel, çarçewaya xebata Komela Ziwan Huner û Kulturî (Ziwan-Kom) de weşanîya. Na komele 2010 de Dîyarbekir de hetê grûbêk kurdperweran ra seba pawitiş, averberdiş û aktuelkerdişê kirdkî (zazakî) ronîyaye.

Nameyê nuştoxanê ke nuşteyê înan sewbîna cayan ra neqil bîyê, bi rengo sûr îşaret biyo. Nameyê nuştoxanê camêrdan bi rengo kewe û nameyê nuştoxanê cinîyan zî bi rengo kesk îşaret biyo. Mîyanê nuştoxanê ke bîzzat Newepelî rê nuşto ra tewr tay 250 kesan reya verêne Newepel de dest bi nuştiş kerdo. Nînan ra panc-şeş kesî kurdê kurmanc ê, ê bi xwu îfade kenê ke çarçewaya weşana Newepelî yan zî Zazakî.Net de kirdkî musayê û dest bi nuştiş kerdo.

Fîhrîst de nameyê nuştoxan bi hawayêko alfabetîk rêz bîyê. Binê nameyê nuştoxî/e de bi hawayêko kronolojîk nuşteyî rêz bîyê. Nameyê nuşteyî îtalîk nusîyayo, dima mîyanê parantezî de tewirê nuşteyî, dima zî bi reqem hûmara Newepelî û badê îşaretê “/” rîpelo ke nuşte tede weşanîyayo esto.

Seba dosyaya pdf bitikne>>>

Na xebere 10094 rey wanîyaya
ŞÎROVEYÎ
Harûn
Harûn Bozkurt
Merheba Memed,
Qandê nê cîldî ti şenê edîtorê Newepelî ra tekilî ronê. Edresê xo no yo:
rlezgin@hotmail.com
08 Tebaxe 2017 Sêşeme 17:45
Kitab
Memed Çîçek
Merhaba şima rê.

Şima heme humarî newepelî sey yew kitab neşr kerdî? Çimkî fotraf di îna êseno kî şima kerd. Ma senî eşkenî peyda biker?

Quwet bo.
04 Tebaxe 2017 Îne 09:23