zazaki.net
17 Tebaxe 2017 Panşeme
Girdîya Karakteran : 12 Punto 14 Punto 16 Punto 18 Punto
15 Kanûne 2009 Sêşeme 21:09

Festîvala Hewramanî Seba Edebîyatê Lehçeya Gorankî

[Xebere]

Organîzasyonê roşnvîrîya kurdanê mintiqaya Hewramanî yo ke bi hewramkî nameyê xo Melbendo Roşinwîrîy Hewramanî yo, lehçeya gorankî ser o, Silêmanî de yew festîvale viraşte. Festîvale 02.12.2009 de Holî (Salona) Roşinbîrî Silêmanî de dest pêkerd û 04.12.2009 de qedîyaye.

Nêzdîye 100 kesî sey mêman amebîy dawetkerdiş. Hem Kurdistanê Başûrî ra hem zî Kurdistanê Rojhelatî ra kesê ke lehçeya gorankî ser o xebitîyênî beşdarê festîvale bîy. Hema-hema heme şîweyê gorankî festîvale de amebîy temsîlkerdiş. “Melbendo Roşinwîrîy Hewramanî”, kirmancan (zazayan) ra zî Mehemed Malmîsanij û J. Îhsan Espar dawetê festîvale kerdibîy.

Roja verêne, programê festîvale de hîna zaf muzîkê hewramkî estbi. Roja dîyine û hîrêyine de da-des kesan babetanê cîya-cîyayan ser o qisey kerd. Nê qiseykerdoxan ra pey beşdaranê festîvale derheqê qiseyanê înan de fikrê xo vatîy.

Çend qiseykerdoxan nê babetan ser o qisey kerd:

•Mihemed Elî Sultanî (Unîversîteya Qumî ra), Edebîyatê Gorankî

•Dr. Mihemed Kesas, “Bîrî Nîştimanî û Helwêstî Netewayetî Le Şî’rî Diyalêktî Goran da”

•Mehemed Malmîsanij, “Pêveronayîşê Hewramkî û Kirmanckî (Zazakî)”

•Hesen Selîmî Ebdulmelîkî (Mazenderan ra), “Hewramîyê Mazenderanî”

•Herdewêl Kakeyî, “Çend Babetêkî Folklorî Maço”

•J. Îhsan Espar, “Destpêkê Nuştişê Kirmanckî (Zazakî)”

•Cemal Bêdar, “Edebî Zarekî Hewramî”

 

Roja peyêna festîvale de, gelek beşdarê festîvale seba gêrayîşî, bi hîrê mînîbusan şîy mintiqaya Hewramanî heta Tewêle (dewa hewramîyan a ke sînorê Îranî ser o ya).

 

Na xebere 1510 rey wanîyaya
No nuşte hema şîrove nêbîyo.