DYA Hewlêr de Konslosxane Akena

Meclisê Temsîlkaran yê Kongreya Dewletanê Yewbîyayanê Amerîka (DYA) qerarê Hewlêr de akerdişê konslosxaneyê DYA tesdîq kerd.

Goreyê xebera ke keyepelê resmî yê Hukmatê Kurdîstanê Başûrî de weşanîyaya, Kongreya DYA seba ke Hewlêr de konslosxane akero heşt aşmî yê ke lebitîyêna qerar bigêro.

Goreyê beyanatê keyepelê resmî yê Hukmatê Kurdîstanê Başûrî, girewtişê qerarêkê winasî xurtbîyena têkilîyanê mîyanê her di hetan û biîstîqrarîya rewşa Kurdîstanê Başûrî nîşan dano.

Goreyê pisporanê polîtîka û ekonomî, Hewlêr de abîyayîşê konslosxaneyê DYA do averşîyayîşê waranê sey turîzm û ekonomîyê mintiqa de tesîrêko zaf musbet bikero.