Dezgeyê Kulturî yê Kurdîstanê Rojhelatî Urmîye de Kom Bîy

Temsîlkarê heme dezgeyanê kulturî yê kurdan ke şaristananê cîya-cîyayan yê Kurdîstanê Rojhelatî de fealîyet kenê, wesênayîşê Enstîtuya Xanî ser o roja pancêsê tebaxe Urmîye de kom bîy.

Goreyê ke keyepelê Înternetî Rojhelattimes dano zanayene, na reya verên a ke dezgeyê kulturî yê Kurdîstanê Rojhelatî yenê pêser. Kombîyayîş bi amancê mîyanê dezgeyanê kulturî yê kurdan de averberdişê têkilî û hemkarî virazîya, hewna, daşinasnayîşê kulturê kurdan ser o zî munaqeşeyî virazîyay.

Temsîlkarê dezgeyanê kulturî yê kurdan ke şaristananê cîya-cîyayan yê Kurdîstanê Rojhelatî de fealîyet kenê, babetê sey mîyanê kurdan de çinbîyayîşê têkilîyan û averberdişê kulturê kurdan ser o munaqeşeyî virazîyay.

Kombîyayîş de heme beşdaran bi hawayêko muşterek qebul kerd ke mîyanê kurdan de têkilî û hemkarî kêmî ya. Seba averberdişê têkilî û hemkarîye, hewna, seba averberdiş û daşinasnayîşê kulturê kurdan ganî hêzê neteweyî estbo.