zazaki.net
19 Adare 2024 Sêşeme
Girdîya Karakteran : 12 Punto 14 Punto 16 Punto 18 Punto
16 Adare 2017 Panşeme 12:33

Danîmarka de komela kurdan: Kurdisk Alternativ i Danmark

Newal Nupel

Ma çend ciwanê kurdan ke bajarê Danîmarka Kopenhag de ciwîyenê 2016 de ameyî pêhet û bi nameyê "Kurdisk Alternativ i Danmark" (Alternatîfa Kurdî li Danîmarka) yew komela kurdî ronaye.

Armancê komela ma averberdiş nasnameyê kurdî yo. Qasê hirês ednamê ma estê. Ze komel ma qirêdayeyê yew partî û îdeolojî nîyê. Xebata ma seba neteweya kurde û Kurdistanî ya. Waştişê ma o yo ke endamê ma çar parçeyanê Kurdistanî ra bê û heme dîyalektanê kurdkî bizanê.

Tîya de ma bi xebata muzîk, folklor, semîner û kombîyayişan mîyanê gencan de nasnameyê kurdî aver benê. Ma partîyanê danîmarkayijan (taybetî gencan) dir têkilî ronanê û meselaya kurdan û Kurdistanî qisey kenê. Ma wazenê gencê kurdan ke teberê Danîmarka de manenê, înan a zî kar bikerê û Kurdistan de zî çend projeyanê ardimî virazê.

Na game ziwanê kurdî ser o yew projeyê ma esto, nameyê xwu "kelîmeya hefteyî" yo. Her hefte ma yew kelîme bi danîmarkî û kurdkî (sorankî, kurmanckî û kirmanckî) danê pêver û na kelîme ser o zî tayê çîyan nusnenê. Bi ba babet a ma dîyalektanê kurdî anê pêhet, kultur û tarîxê xwu hem musenê hem îzeh kenê. Ma hêvî kenê ke rojê ra ver ma projeyanê xwu vêşî bikerê.

Bî hîrê serrî ke rojnameyê Newepelî ma rê yeno, ma kirmanckîya xo aver benê û keyfweş benê.

_________

Eno nuşte "Newepel, hûmare 96, r. 3" de weşanîyayo.
Bê musadeyê nuştoxe û rojnameyê Newepelî yewna ca de weşanayiş qedexe yo!

Na xebere 6369 rey wanîyaya
No nuşte hema şîrove nêbîyo.