Cîrano Xirab Merdimî Keno Wayîrê Keyeyî

Tirkîya elektrîko ke dayêne Duhokî û tena roje de qîmê 2-3 saetan kerdêne birna. Goreyê beyanatê ke wezaretê elektrîkî yê hukmatê Kurdîstanê Başûrî dano, sedemê birnayîşê elektrîkî no yo ke wextê peymana ke mîyanê Anqara û Bexdadî de virazîyabî debîyo û peymane nêameya newe kerdene. Labelê hetanî nika hukmatê merkezî yê Bexdadî seba ke peymane bêro newe kerdene qet nêlebitîyayo.

Wezaretê elektrîkî yê hukmatê Kurdîstanê Başûrî beyanatê xo de dano zanayene ke înan verî ke elektrîk bêro birnayene û badê ke birîyayo zî derheqê mesela de muracatê hukmatê Bexdadî kerdo la hetanî nika tu netîce nêgirewto.

Wezaret beyanatê xo de dano zaneye ke nika ê lebitîyênê santralanê xo yê elektrîkî virazê û bi no qayde mecburê welatanê cîranan nêbê. Beyanat de yeno vatene ke do bi viraştişê projeyanê xo êdî girêdayeyê Tirkîya û Bexdadî nêbê.