Cildê Yewin yê Newepelî Vejîya

Cildê yewin yê rojnameyê Newepelî ke 24 hûmaran ra yeno pê, vejîya.

Seke yeno zanayene, par roja 25 adare 2011 de rojnameyê kulturî yo pancês roje Newepel ke tarîx de rojnameyê tewr verên yê kirdkî yo, dest bi weşana xo kerdbî û bi hawayêko perîyodîk her pancês rojan ra yew hûmare weşanîyaybî. Bi hûmara 24. ke roja 1 adare 2012 de weşanîyabî, yewserrîya Newepelî debîye.

Ma waşt ke heme hûmaranê rojnameyî ke serrêk de vejîyayê, sey cildê yewin bikîn xizmetê wendox, cigêrayox û arşîvkaran.

Kesê ke wazenê bibê wayîrê cildê rojnameyê Newepelî, ke heme hûmarê serra verêne yew ca de yê, wa adresa newepel@hotmail.com rê binusê.

Vaya cildê Newepelî 40 TL ya.