zazaki.net
17 Tebaxe 2017 Panşeme
Girdîya Karakteran : 12 Punto 14 Punto 16 Punto 18 Punto
20 Tebaxe 2009 Panşeme 20:51

Çapemenîya Kurdkî de Keyepelêko Newe: Zazakî.NET

[Xebere]
Haber Diyarbakir

Çapemenîya Kurdkî de Keyepelêko Newe: Zazakî.NET

Keyepelê kirmanckî (kirdkî/dimilkî/zazakî) www.zazaki.net dest bi weşane kerd.

Goreyo ke nuşteyê destpêkî de qal beno, no keyepel do hîna zaf xîtabê kurdanê kirmancan (zazayan) biko û wareyanê sey ziwan, kultur, edebîyat, huner, muzîk û sîyasetî de xizmet biko.

Edîtorê keyepelî Roşan Lezgîn nuşteyê destpêkî de wina vano: “Nê keyepelî de, çi çîyê ke kirmancan ra eleqedar ê, ma do arê bidin, kom bikin û arşîv bikin. Mavajî, folklorê ma, muzîkê ma, bîyografîya nuştoxan û hunermendanê ma, eserê înan, nameyê dewan, şaristanan, koyan û royanê ma, fotograf û fîlmê cayanê welatê ma, sanikê ma, şîîrî û hîkayeyê ma yê modernî, meqaleyî, axir çi ke şêno Înternet de ca bidîyo, ma do hemîne arê bidin, kom bikin û arşîv bikin. Do keyepelê www.zazaki.net wareyê Înternetî de heta dereceyêk bibo vîrê ma, bibo hafizaya ma. Helbet tena arşîvkerdiş ney, roportajî, xeberê neweyî, aktîvîteyê ke benê zî, qasê qewetê xo ra, ma do înan pêşkêş bikin. Zazakî.Net do seba malumatanê derheqê kirmancan û kirmanckî de bibo çimeyê referansan, bibo wareyê muracatî.”

Menuyê bingehîn yê keyepelê Zazakî.Net bi kurdkîya kirmanckî (kirdkî/zazakî/dimilkî) ya la qismê kurdkîya kurmanckî (kirdaskî), tirkî û îngilîzkî zî estê.

Başlıksız 1.jpg

Çime: Haber Diyarbakir

Na xebere 9551 rey wanîyaya
No nuşte hema şîrove nêbîyo.