zazaki.net
25 Teşrîne 2017 Şeme
Girdîya Karakteran : 12 Punto 14 Punto 16 Punto 18 Punto
08 Adare 2011 Sêşeme 13:18

Camîyan de Asîmîlasyonê Cinîyan

Xebere: Zazakî.Net

Kurdîstanê Vakurî de bi her hawayî asîmîlekerdişê kurdan dewam keno. Dewleta Tirkîya bitaybetî hetê dînî ra hîsanê kurdan suîstîmal kena û camîyan sey meskenê asîmîlekerdişî gurenena.

Heme camîyê dewanê Kurdîstanî de xortê ciwanî yê tirkî sey mela tayîn bîyê. Zafê nê melayan cematê Fetulah Gulenî ra yê. Hem dewijan asîmîle kenê, hem zî înan “îrşad” kenê ke dewlete ra tam girêdaye bimanê.

Nê demeyanê peynîyan de zî na rey Dîyanetê Tirkîya bi rayîrê waizanê cinîyan ke camîyan de wazan danê, cinîyê kurdan yê keyeyî seba polîtîkaya asîmîlekerdişî xo rê kerdê hedef.

Cinîyê kurdan ra ê ke mekteban de wanenê û bîyê memur yan zî şîrketan de şuxulîyênê, xora sîstemê asîmîlasyonî ra vîyartê. Êdî cuya înan de tirkî hakim a.

Cinîyê ke nêşîyê mekteb, bitaybetî cinîyê keyeyî, eke biwazê şênê xo çerxê asîmîlasyonî ra bipawê. Coka dewlete qet vengane nêverdena, çim verdayo na kategorîya cinîyan. Camîyanê Kurdîstanî rê cinîyê waizî yê tirkî tayîn kerdê. Bi no qayde wazenê cinîyanê kurdan “îrşad” bikerê. Hem ziwanê kurdkî mîyanê cuye ra tam vejê teber û tirkî bikerê herinde, hem zî fikrê tirkîtîye mîyanê cinîyanê keyeyî yê kurdan de vila bikerê.

Naye ra ver zî bîy çend serrî ke mekteban de sinifê verê mektebî akerdê û tutê 4, 5 û 6 serreyan tede perwerde kenê. Bi no qayde tutî bin ra kurdkî ra dûr kewenê û emrê xoyê qijkekî de asîmîleyê tirkî benê.

Na xebere 1918 rey wanîyaya
No nuşte hema şîrove nêbîyo.