zazaki.net
18 Tebaxe 2017 Îne
Girdîya Karakteran : 12 Punto 14 Punto 16 Punto 18 Punto
23 Temmuze 2010 Îne 09:20

Boya Vilika Gulasmîne Stresî Bena

Xebere:
Zazakî.NET

Netîceyê cigêrayîşanê îlmî de tesbît bîyo ke boya vilika gulasmîne (yasemîne) wayîrê taybetîyanê musekînîye ya.

Zanyaro alman Hans Hutî netîceyê cigêrayîşanê îlmî de tesbît kerd ke boya vilika gulasmîne qasê îlacanê musekînan tesîr kena. Na babete de Hans Hut vano, herinda îlacanê hewnî yan yê asabîyetî de merdim şêno vilika gulasmîne ra îstîfade bikero.

Hans Hutî cigêrayîşê ke Unîversîteya Duseldorfî yê Almanan de cigêrayoxan reyde kerdê de tesbît kerd ke boya vilika gulasmîne de qasê îlacanê musekînan madeyê ke merdimî sakîn kenê estê.

Cigêrayoxanê almanan netîceyê cigêrayîşanê xo keyepelê kovara Biolojika Chiemstri de weşanayo. Meqaleya cigêrayoxê almanî de yeno vatene, ferqê mîyanê îlacanê musekînan ke tedawîkerdişê psîkolojîkî û hewnî de yenê gurênayene tena kêmî yan vêşîya dozajê înan o.

Hans Hut vano, ma merreyan ser o zaf ceribnayîşî kerdîy û ma tesîrê musekînîya gulasmîne îsbat kerd. Cigêrayîşan de ma dî, merreyê ke gulasmîne boye kenê tavilî sakîn benê.

Hans Hut vano, eke odaya rakewtişî de qevdêk gulasmînî estbê tu zerarêkê xo çin o, bîlaeks zaf faydeyê xo esto.

Na xebere 1300 rey wanîyaya
No nuşte hema şîrove nêbîyo.