zazaki.net
24 Tebaxe 2017 Panşeme
Girdîya Karakteran : 12 Punto 14 Punto 16 Punto 18 Punto
10 Oktobre 2010 Yewşeme 20:05

Başûr de 415 Kovar û Rojnameyî Weşanîyênê

Xebere: Zazakî.Net

Goreyê malumatanê ke sendîqaya rojnamevananê Kurdîstanê Başûrî dana, Kurdîstanê Başûrî de 415 kovar û rojnameyî yenê weşanayene.

Berpirsîyaranê sendîqaya rojnamevananê Kurdîstanê Başûrî ra Yûsif Qesabî va, “Badê ke 22 êlule 2008 de qanûnê rojnamevanîye îlan bi, gelek rojnameyan desturê weşangerîye girewt.”

Yûsif Qesabî dewamê qiseykerdişê xo de va, “Kurdîstanê Başûrî de di tewirî rojname û kovarî estê. Qismêk ê partî û rêxistinanê sîyasîyan ê, qismêk zî xoserbîyaye yê. Ê verênî heme bi ardimê rêxistin û partîyan vêjênê. Ê dîyinan ra, kêmî bo zî, ê ke hukmatî ra ardim gênê estê.”  

Na xebere 1483 rey wanîyaya
ŞÎROVEYÎ
no çi halo!
Çapaqçurij
Edîtor Muhterem,

Na xeber, pey kom yo zon/ziwan nusîyaya. Na seynî yew zonu. Ti Zazakî vaji, Zazakî nîya; ti Kurmonckî vaji, Kurmonckî nîya... Sorankî û Tirkî tor nîya...

înkê zon/ziwan standardîzekerde eg ino/nayo, way halê zonê ma rî...

Zonê ma çend henzar estu ke bîye nuştişi hetton êru omeyu, la ma zerrêye 10-15 serron d' pey nuştiş ardu çi hal... Zaf heyf û guna u.

_________________________
Çebaxçurijo muhterem,
Eke to rê zehmet nêbo, keremê xo ra vaje, kamcîn çeku (kelîme) yan zî kamcîn cumle kirdkî (zazakî) nîya, yan zî şaş nusîyaya?
Esas ha meydan de ke ti ziwan ra fehm nêkenî û ti qaydeyê giramerî zî nêzanî.
Mesela to wina nuşto: "Na seynî yew zonu"
Kirdkî de "na" zemîrê îşaretî yê makî yo. La ziwan çekuyêka nêrkî ya.
Na cumleya to wina nusîyena: No senî yew ziwan o? (zon û?)
Ez to ra rasta mesela vajî, ti qet ziwan ra fehm nêkenî la nîyetê to hol nîyo, derdê to çîyêna yo!...
Heto bîn ra, kirdkî (zazakî) tena Çebaxçur de qisey nêbena. Erzingan ra bigîre hetanî Motka qisey bena.
Ti vanî "Zonê ma çend henzar estu ke bîye nuştişi hetton êru omeyu... [Ziwanê ma çend hezarî serrî esto ke bê nuştiş hetanî ewro ameyo...]"
De baş o, ez zî to ra vana, no ziwanê nuştişî yo. Ziwanê nuştişî ziwanêko formel o û goreyê qaydeyan nusîyêno.
Keremê xo ra ferqê ziwanê nuştişî û yê ziwanê qiseykerdişî bizane hema werze qisey bike.

11 Oktobre 2010 Dişeme 15:29