Başûr de 1200 Şîrketê Xerîbî Şuxulîyenê

Hûmara şîrketanê ke Kurdîstanê Başûrî de şuxulîyenê resaya hezar û di seyî. Semedo ke rewşa asayîşî nîsbet bi mintiqayanê bînan yê Îraqî Kurdîstanê Başûrî de hîna hol a coka her ke şino eleqeyê şîrketanê xerîban vêşî beno. Goreyê îstatîstîkanê demeyê peyênî hûmara şîrketanê xerîban ke Kurdîstanê Başûrî de şuxulîyenê dorê 1200 de ya.

Nê 1200 şîrketanê xerîban ra ke Kurdîstanê Başûrî de şuxulîyenê, 600ê înan şîrketê tirkan ê. Karê tewr muhîmî yan zî projeyê tewr giranî hetê şîrketanê tirkan ra virazîyênê. Mesela, meydano newe yê firokeyan yê Hewlêrî ke malîyetê ey dorê 40 mîlyon dolarî de yo hetê şîrketêkê tirkan ra virazîyêno.