zazaki.net
20 Tebaxe 2017 Yewşeme
Girdîya Karakteran : 12 Punto 14 Punto 16 Punto 18 Punto
02 Çele 2011 Yewşeme 21:38

Atolyeya Nuştiş, Çarnayîş û Weşanayîşî ya Ziwananê Kêmnetewan

Xebere: Zazakî.Net

Rojanê 7-8ê çeleyê 2011î de, Bilgi Üniversitesi yê Îstanbulî de bi sernameyê “Mintiqaya Ewropa-Deryaya Sipî de, Ziwananê Kêmnetewan de Nuştiş, Çarnayîş û Weşanayîş” yew xebata atolye yena organîze kerdene.

Atolye bi ardimê Programê Kulturî yê Yewîyîya Neteweyan (Culture Programme of the EU), Weqfê Anna Lindh yê Ewropa-Deryaya Sipî (Anna Lindh Euro-Mediterranean Foundation) û Rêxistina Edebîyatê Bêsînorî (Literature Across Frontiers) sey koperatîfêk hetê Dîlek Akdemir, Alexandra Büchler, Îrfan Guler, Deniz Gunduz, Kawa Nemir, Amy Spangler û Helîm Yusivî ra organîze bena.

Atolye de kesê ke mintiqaya Ewropa û Deryaya Sipî de karê nuştiş, çarnayş (tercume) û weşanayîşî (yayın) kenê, do bîyaro têhet.

Goreyê malumatê ke organîzetoranê na atolye ra Deniz Gunduzî dayî, Kurdîstan û teberê welatî ra gelek kesê ke bi kurdkî (kirdkî, kurmanckî) nusenî, hewna, kesê ke bi ziwananê sey amazîgî, katalanî, baskî, galezkî, îrlandkî, romanî, samî û wêlzkî nusenî ameyê dawetkerdene.

Goreyê malumatanê organîzatoran, amancê na xebate o yo ke, kesê ke nê ziwanan de nusenê, waranê sey nuştiş, çarnayîş û weşanayîşî de fikr û tecrubeyanê xo yewbînan reyde pare bikerî, fikr û tecrubeyanê yewbînan ra îstîfade bikerê.

Goreyê malumatê ke komîteya organîzatore day, diwês nuştoxê kurdan beşdar benê. Nînan ra çar kirdî, heşt zî kurmanc ê. Nuştoxanê kirdan ra J. Îhsan Espar, Deniz Gunduz, Suleyman Çevik û Roşan Lezgîn beşdar benê. Nuştoxanê kurmancan ra zî Helîm Yûsiv, Mazlum Dogan, Kawa Nemir, Ronahî Onen, Zana Farqînî, Berfîn Zenderlioglu, Îrfan Guler û Osman Ozçelik beşdar benê.

Na xebere 1805 rey wanîyaya
ŞÎROVEYÎ
çewlik
çewlik
bu bingöl üniversitesindeki sempozyumdan haberiniz varmı sayın site yönetcisi ve oraya katılacak olan yazarlarınız olacakmı. cvp yazarmısınz bu konuda
06 Çele 2011 Panşeme 17:44
kirdki
kirdki
helal şimaré bira .... :) vate grubu zazacanın tek savunucusudur...
05 Çele 2011 Çarşeme 19:42
roj
roj
rast adres koncaya ma ra vajé ma şono ini seminera... arkadaşlar tam olarak adres neresi katılalım
05 Çele 2011 Çarşeme 13:31