Artêşa Tirkan 5 Mintiqayê Dêrsimî Şarî rê Qedexe Kerdîy

Sererkanîya artêşa tirkan Dêrsim de 5 mintiqayê cîyayî 17ê êlule ra hetanî 17ê kanûna 2010î şarî rê qedexe kerdîy.

Goreyê malumatê ke sererkanîya tirkan da, mintiqaya hîrêgoşeyê Mamekîye-Pilemûrîye-Pulurî de, gelîya ke mîyanê Pilemûrîye û Qisle de, mintiqaya Elîboxazîya ke mabeynê Qisle-Xozat-Çemişgezekî de ya, mintiqaya dereyê Qutîyî ke nêzdîyê Mamekîye de yo û koyê Mercanî û koyê Mizurî ke sînorê Dêrsim-Erzinganî yê 17ê êlule ra hetanî 17ê kanûna 2010î şarî (sivîlan) rê ameyê qedexe kerdene.