zazaki.net
21 Teşrîne 2017 Sêşeme
Girdîya Karakteran : 12 Punto 14 Punto 16 Punto 18 Punto
30 Kanûne 2010 Panşeme 07:19

Artêşa Sûrîye de Kiştişê Xortanê Kurdan

Serra 2009î de zî artêşa Sûrîye de 19 xortê kurdan amebîy kiştiş. Karbidestanê artêşa Sûrîye hertim îdîa kenê ke înan bi xo xo kişto.

Artêşa Sûrîye de kiştişê leşkeranê kurdan dewam keno. Serra 2010î de 10 eskerê kurdî mîyanê artêşa Sûrîye de ameyê kiştiş.

Eskerê ke tewr peynî de ame kiştiş Osman Xelîl Elî (21 serre) yo ke bi eslê xo dewa Talike ya Kobanî ra bi. Nê xortê kurdan eskerîya xo şaristanê Reqa yê Sûrîye de kerdêne. Roja 21.12.2010 de bi çar guleyê ke ginayê sereyê ey ro, ame kiştiş. La fermandaranê ey keyeyê ey ra vato ke, ey bi xo guleyî nayê xo ra û xo întîxar kerdo.

Hewna Yûsif Ferhan Qasim ke bi eslê xo Dibêsîye ra yo û artêşa Sûrîye de leşker o, mîyanê eynî hewteyî de ame kiştiş. Seba kiştişê nê xortê kurdî zî efserê ey vanê ke ey întîxar kerdo la kiştişê ey biguman o. 

Labelê embazanê Osman Xelîl Elî ke pîya leşkerî kenê, vato kiştişê ey ra çend rojî verê cû mîyanê ey û efserê ey de munaqeşe vejîyabi û efserî gefî ro ey wendbîy.

Serra 2009î de zî artêşa Sûrîye de 19 xortê kurdan amebîy kiştiş. Karbidestanê artêşa Sûrîye hertim îdîa kenê ke înan bi xo xo kişto.  

Na xebere 1540 rey wanîyaya
No nuşte hema şîrove nêbîyo.