zazaki.net
18 Tebaxe 2017 Îne
Girdîya Karakteran : 12 Punto 14 Punto 16 Punto 18 Punto
07 Çele 2013 Dişeme 07:41

2012 de Kitabê Kirdkî (Zazakî)

Xebere: Zazakî.Net

Hetanî ewro serra ke tede tewr zêde kitabê kirdkî weşanîyayî serra 2012î ya. Qaso ke ma tespît kerdî tam 25 tene kitabî weşanîyayê. Nînan ra di hebî newe ra sey çapa diyin û hîrêyine weşanîyayê la yê bînî reya verêne weşanîyayê.

Kitabê ke Weşanxaneyê Roşna, Weşanxaneyê Vateyî, Universîteya Artuklu û Wezaretê Perwerdeyî ra weşanîyayê, hetê şuxulnayîşê ziwanî û rastnuştişî ra yew standard de yê. Labelê kitabê bînî, hemenêbî zî qismêko muhîm hem hetê alfabe ra hem hetê raştnuştiş û şuxulnayîşê ziwanî ra problemê xo yê cidî estê.

Yewna çîyo muhîm zî, nê 25 kitaban ra 16 hebî hetê endamanê Grûba Xebate ya Vateyî ra yan zî kesê ke na grûbe reyde têkilîye de yê ra amade bîyê. Mesela, her di kitabê ke Unîversîteya Artuklu weşanayê, bi hemkarîya endamanê Grûba Xebate ya Vateyî amade bîyê.

Kitabanê bînan ra zî belkî yew ne tede yê bînî heme xo kurd û kirmanckî (zazakî) zî lehçeya kurdkî zanê.

Nê melumatî bi hawayêko îspatkerde nîşan danê, kesê ke kirdkî (kirmanckî, zazakî, dimilkî) rê wayîrîye kenê, kesê ke kirdkî wanenê û nusenê kurdî bi xo yê. Kesê ke bi ziwanê tirkî dişmenîya kurdan kenê, vanê “zazakî ziwanêko cîya yo”, “zazayî miletêko cîya yê” tu fealîyetê înan ziwanî ser o çin o. Ancî nê îstatîstîkî nîşan danê, kesê ke propaganda kenê vanê “kurmancî zazayan mîyanê xo de asîmîle kenê helnenê” zî îftîra kenê.

Listeya Kitabanê Kirdkî yê ke 2012 de Weşanîyayê:

1) Prof. Kadrî Yildirim & Îbrahîm Bîngol & Roşan Lezgîn, Edebîyatê Kirmanckî ra Nimûneyî, Weşanê Enstîtuya Ziwananê ke Tirkîya de Ciwîyenê ya Unîversîteya Artuklu, Mêrdîn 2012, 694 rîpelî

2) Prof. Dr. Kadrî Yildirim / Yrd. Doç. Dr. Abdurrahman Adak / Yrd. Doç. Dr. Hayrullah Acar / Zülküf Ergün / Îbrahîm Bîngol / Ramazan Pertev, Kurdî 5 – Zazakî, Milli Eğitim Bakanlığı, 2012

3) Bedrîye Topaç, Bero Sûr, Weşanxaneyê Roşna, Dîyarbekir 2012, 72 rîpelî

4) Roşan Lezgîn, Tarîyîya Adirî de, Weşanxaneyê Roşna, Dîyarbekir 2012, 80 rîpelî

5) Roşan Lezgîn, Dersê Ziwanî, Weşanxaneyê Roşna, Dîyarbekir 2012, 128 rîpelî

6) Roşan Lezgîn, Binê Dara Valêre de, Çapa Hîrêyine, Weşanxaneyê Roşna, Dîyarbekir 2012, 72 rîpelî

7) Xidirê Başî, Gula Xizirî, Weşanxaneyê Vateyî, Îstanbul, 2012, 132 rîpelî

8) Sîyamend Mîrvanî, Kal Mûsênî Zeydûnû (Folklorê Mîyaran ra), Weşanxaneyê Vateyî, Îstanbul, 2012, 124 rîpelî

9) Mehmûd Nêşite, Çakêto Sipî, Weşanxaneyê Vateyî, Îstanbul, 2012, 120 rîpelî

10) Alî Beytaş, Şaîsmayîl (Estanikanê Gimgimî ra), Weşanxaneyê Vateyî, Îstanbul, 2012, 140 rîpelî

11) Akman Gedîk, Roj Ma De Şewle Dano, Weşanxaneyê Vateyî, Îstanbul, 2012, 40 rîpelî

12) Alî Aydin Çîçek, Sayê Marû (Estanikanê Xinis û Tekmanî ra), Weşanxaneyê Vateyî, Îstanbul, 2012, 144 rîpelî

13) Alan Dilpak & Lerzan Jandîl, Xiznaya Çekuyan 1 (Deutsch & Kirmanckî), Înstîtutê Ziwan û Kulturê Kirmancî (Zaza) - IKK e. V., Berlîn 2012

14) Alan Dilpak & Lerzan Jandîl, Xiznaya Çekuyan 2 (Deutsch & Kirmanckî), Înstîtutê Ziwan û Kulturê Kirmancî (Zaza) - IKK e. V., Berlîn 2012

15) Wedat Kaymak, Welîyê Hediki (Peyeyê Şêx Seîdî) û Ez Qelbînij, Arya Yayıncılık, Îstanbul 2012, 100 rîpelî

16) Grûba Xebate ya Vateyî, Rastnuştişê Kirmanckî (Zazakî), Weşanxaneyê Vateyî, Îstanbul, Çapa dîyine, 2012

17) Bîlal-Feqî Çolîg, Mewlîdê Peximbêr -Qey Tutonê Zazon-, Dîwan, Îstanbul, 2012, 44 rîpelî

18) Turan Erdem & Orhan Erdem, Dersên Zuwenê Kurdi-Zazaki û Soniki (Türkçe Açıklamalı Kürtçe Dil Dersleri –Zazaca Ve Hikayeler), Arya Yayıncılık, İstanbul, 2012 (2.baskı), 240 rîpelî

19) Fahri Ergun, Zuwan Vinîbose, Weşanên Arya, Îstanbul, 2012, 240 rîpelî

20) Medet Can, Hêgayo Bêwahêr, Îstanbûl 2012, 64 rîpelî

21) Medet Can, Barkerdena Zerrî, Îstanbûl 2012, 288 rîpelî

22) Nurettîn Durman, Tîjbazî, Tirkî ra Zazakî: Hasîp Bîngol, Erguvan Yayınevi, Îstanbul, 2012, 80 rîpelî (Tirkî & Zazakî)

23) Sven Nordqvîst, Findo Cîya Beno, Apec, Stockholm, 2012

24) Mikaîl Aslan, Repertuar - Kılamê Çemi/Nehir Şarkıları-, Tîj yayıncılık, Îstanbul, 2012, 119 r. (Tirkî & Kirmanckî & Kurmancî)

25) Roşan Hayıg & Brigitte Werner, Zazaca-Türkçe Sözlük-Türkçe-Zazaca Sözcük Listesi, Tîj Yayıncılık, 2012, 448 rîpelî

Na xebere 1663 rey wanîyaya
ŞÎROVEYÎ
Ferhenga Pir Zimanî
Mistefa
http://nubihar.com/pirtuk/ferhenga-pirzimani.html
08 Çele 2013 Sêşeme 05:46