Ti

Şewa min a tarî de estareyo bereqnaye ti ya

Roja hewrina asmenî de tîreje tînca mi ti ya

Mîyane adire gurkerdî de honikîya mi ti ya

Bine vewra zimistanî de germinîya mi ti ya

Sere koyane berzan de gula rindeke ti ya

Bine behrane xorînan de mercana beleke ti ya

Hegaye min e bejî de berîya dijna wesarî ti ya

Bexçeye gulane mi de nexşe rengînî ti ya

Şewa zulmata tarî de roşne çimane mi ti ya

Roja hişa u bevenge de kilama evîna mi ti ya

Semede tele tembura mi mizrab ti ya

Cenayîşe bilure de engiştî u cîfe mi ti ya

Keyeye zerrîya mi de neqşe desan ti ya

Pe eşqî abeno berî keye mi, eşqe mi ti ya

Zerrî ser o nuştiş de qala verene ti ya

Dinya re eşkerakerdişî de qala peyene ti ya*

_____________

* Na şîîre “Newepel, Rojnameyo kulturî yo 15 roje, Hûmare 30, Dîyarbekir, 01-15 hezîrane 2012, r. 6” de weşanîyaya.