MI FEHM KERD
Yayınlanma:
Güncelleme:
Bedrîye TOPAÇ
Behr ra ameybî
Bêkes bî
Ez bêkese bîya
Tenayîya ma bêkese bîye
Gina qeraxê mi ro
Pêl da zerrîya mi de
Tar û mar bî hêşê mi
Tar û mar bîya ez
Tef û duman vet sêneyê mi de
Çiman de keweyê behrî
Lewan de boya kewze bîye
Bi awiranê maseyan kewt cila mi
Bi awiranê hîtan...
Kewt ruhê mi
Vayî deyîrê qedexeyî vatî ma rê
Asmên ma rê bî lihêf
Behr ma rê bî doşek
Erd seba ma rut mend
Rut mend behr
Eşq kiştox bî
Eşq celadê ma bî
Ma vileyê xo kerd çewt duştê ey de
Ma merdîme yewbîn de
Leşa mi de azney kerd
Mi behr şimit areqê ey ra
Jîvayîşê ma gina bêvengîye ro
Mi zana ke ez bîya behr
Mi zana ke ez bîya kewe
La heskerdiş behrbîyayîş nêbî
Heskerdiş zerrî de tena bîyayîşê yew dilopa bî
Mi dima fehm kerd
Mi dima fehm kerd...
Bu haber toplam 3543 defa okunmuştur
Türkçe karakter kullanılmayan ve büyük harflerle yazılmış yorumlar onaylanmamaktadır.