Eşq Bê To Zurî yo
Yayınlanma:
Güncelleme:
Bedrîye Topaç
Wisar harmeyanê zimistanî der o
Gulanê pîzeyê gucige de paweno
Û ez rayîr şona sêneyê asinî de
Zerrîya mi cehenem a
Veşena destanê bêrîyan de
Ti peyê wextan ra veng danî mi
Vengê to beno şilî vareno çimanê mi ro
Vengê to beno zimistan huyayîşê mi cemedneno
Vengê to sey yew kardî vîsta bi vîsta birneno
Ez bena adir herekîna hewnanê zurekeran
Herekîyayîş…
Herekîyayîş…
Hewnanê zureyinan de leşa to ra herekîyayîş
Hewnanê zureyinan de lewanê to ra adir şimitiş
No merg o
No merg o
Eşq bê to zurî yo
Bizane ke tewr zaf no mi kişeno…
Bu haber toplam 3292 defa okunmuştur
Türkçe karakter kullanılmayan ve büyük harflerle yazılmış yorumlar onaylanmamaktadır.