Derdê Her Kesî Esto

Rojêk Ap Husê Keyê Hesan û Êhsano Necar pîya şinê Dîyarbekir. Hema vajên senî ke dewe ra vejyenê, Ap Êhsan dest pêkeno heta ke resenê Dîyarbekir, bê vindertiş derdê xwu Ap Husî rê qisey keno.

De êdî Ap Êhsan la û derzînî ra bigêrê heta bi sîr û pîyanz, çi derdê ci esto, qisey keno. Vano, vano vano…

Ap Hus xwu rê bêveng, bê ke pitîya xwu bikero, goşdarî keno.

Gama ke resenê Dîyarbekir, ereba ra yenê war, Ap Hus nişka ra yaxeyê Ap Êhsanî gêno û bi hêrs vano:

- Lawo Êhso! Bes derdê xwu mi rê vaje. Biewnî, wulay ez derdê xwu vajî, do derdê mi di derdê to no!