zazaki.net
20 Oktobre 2017 Îne
Girdîya Karakteran : 12 Punto 14 Punto 16 Punto 18 Punto
04 Temmuze 2012 Çarşeme 11:29

Konferansê Kirdkî Çewlîg de Virazîya

Konferans şarî rê akerde bi la hîna zaf kesê ke cayanê cîya-cîyayan ra sey meyman amebî wesênayîş beşdar bîyî.

Konferansê kirdkî ke hetê TZP-Kurdî ra organîze bi, rojanê 30 hezîrane-01 temmuze 2012 de Çewlîg de virazîya.

Seba ke nê peynîyan de nameyê “xebata gramerî” ser o gramatîkê kirdkî yeno xeripnayene coka konferans de rewşa kirdkî yan zî ameyeyê kirdkî ra vêşêr qaydeyê gramerê kirdkî munaqeşe bîyî. 

Konferans şarî rê akerde bi la hîna zaf kesê ke cayanê cîya-cîyayan ra sey meyman amebî wesênayîş beşdar bîyî.   

Çewlîg de na reya pancin a ke konferans û panelê safî bi kirdkî organîze benê. Reya verêne roja 27.05.2006 de hetê Navenda Çanda Çewlîgî ra yew panel, reya diyine roja 12.04.2009 de hetê komela Bîn-Derî ra yew konferans, reya hîrêyine roja 02.04.2011 de hetê Nubihar û Vateyî ra yew konferans û reya çarine zî roja 07.04.2012 de hetê Bîn-Der û Firat-Derî ra yew konferans amebi organîze kerdene.

Na gamêka muhîm a ke TZP-Kurdî eleqe nîşanê kirdkî dana û reya verêne aktîvîteyêka winasî organîze kena. Ma hêvîdar ê ke nê konferansî ra pey awanîya çekuyanê kirdkî û bitaybetî zî qaydeyê gramatîkê kirdkî êdî nêrê xeripnayîş. Ma zî psîkolojîyê terefdarîye û hîsanê reaksîyonelan dûrî, bi eqlêko îlmî û muşterek, pêro pîya dest bidîn yewbînan û kirdkî rê xizmetêko raşt bikîn.  

Na xebere 1841 rey wanîyaya
ŞÎROVEYÎ
Çewlîg
Çewlîg
Şima cewabo kî dawu pêrsê kek servet, ez inê qebul nêkeno. Çimkî eynî qural u kaîdeyî hetî vate, newepel u şewçila ra yenî şuxulnayîş... Mesulîyetî ena xebat şima zî mil do...
24 Temmuze 2012 Sêşeme 08:49
Dewlemend
Serwet
Şima rê qewetibu, gelê xebatoxonê zazakî.net;
Ez qayîlo kê çen çîyon îfade bikerî.
Her çiqas ma xebata şima taqdîr bikeri zî, lazimo ma şaşî û kemîya şima vaj, îfade biker.
Konferans, bi safî şima vonî ma Zazakî tertîp kerdu. Feqet safîyet teyna tertîp û organîzeye konferans ra îbaret nêya. Eke qiseykerdiş û nuştiş raşt nêbu, eke bintesîrê îdeolojî û fikro polîtik de xebat virazîyo, u wext ma nêeşkenî safîyet ra bahsbikeri.
Serlewhaya şima "Konferansa Zarawayê Kirmanckî Ya Yewîne"...a.

Ma têya ra destpêker:
1- Zazakî dîyalekt/lehçe nêya, xusera yo zon a. Feqet şima muameleyê zon nêkenî. çira?
Çira şima (VATE, Şewçia, Newepel) hema zî înad kenî, muabîlê kelîmaya Zaza/kî vera Kirmanc/kî, Kird/kî şixulnenî. Çend tenî şima ra fom kenî?
2- Kelîma/çekuya "zarawa" zonê ma de çînî ya; ma zonê xu de, ya "lehçe" (ar.) ya zî "dîalekt/dîyalekt" (fr.) şixulnenî. Çira îllahîm şima "zarawa" şixulnenî, sebeb çina wu?
3- Komyo Zaza wextig (wexto kê) qisey keno, îfadeyê "zarawaya ma" tercîh keno? Nay tercîh kenî yon, îfadeyê "zonê ma" vonî?
4- Konferans ra şima çina murad kenî? Sebebê teşhîr û tertîbê konferans pêhesnayîş nêyo? Eke, otîr a, lazimo ço/kes tercîhê kelîmeyêg (kelîmê kê) rahet fom benî, yên/înan tercîh bikero.
5- K.ya "konferans" nerî ya yon may a? "Konferansê Zonê ma yon, Konferansa Zonê ma?... reynê tefekkur bikerên...
6- "... zarawayê" yon "... Zarawaya" raşt a? Zarawa may a yon nêr a?
7- Kirmanckî Ya Yewîne... ina "Ya" şima komca ra arda? Ekê ina wazîfeya sifat vînena, kê otîr êsena (birinci konferans) çira şima cîya nusenî?
Xebere de şima "konferansê" nuştu, serlewha de "konferansa" nuştu... Kamju/komyo tercîh ayê şima wu/yo?
hema zaf çî est î, ina hael ma pê înon îktîfa biker...
xatirê şima

----------------------------------------------------------------
Bira Serwet,
Seba eleqeyê to, seba ke ti xebata ma teqdîr kenî zaf sipas. Rexneyê to estbî, bi nê uslubê başî hertim vaje, ma rê faydeyê xo beno.
Ez wazena cewabê çend persanê to bidî.
1) Zazakî, panc lehçeyanê kurdkî ra yew a. Mintiqayanê cîya-cîyayan de bi nameyanê sey “Kirdkî”, “Kirmanckî”, “Dimilkî” û “Zazakî” name bena. Nînan ra nameyê “Kirdkî” û “Kirmanckî” nameyê etnîkî yê, “Dimilkî” û “Zazakî” nameyê eşîran ê. Ma bi xo nameyê “Kirdkî” û “Kirmanckî” tercîh kenê. La eke ti vajî “Zazakî”, ma îtîraz nêkenê. Ê ke vanê “Dimilkî” zî estê, ma bi xo îtîraz nêkenê.
2) Ma Grûba Xebate ya Vateyî û kesê ke meylê na grûbe qebul kenê, ma çekuya “zarawa” nêvanê. Ferhengê ma de wina nuşte yo: “lehçe: lehçe (m), dîyalekte (m)”
Seba ke ma bi xo konferans tertîb nêkerdo, ma mesulê nuştişê çekuya “zarawa” nîyê.
3) Ma bi xo zaf hesas nusenê ke her kes ma ra fehm bikero. La ma mesulê heme kesî zî nîyê.
4)Ferhengê ma de çekuya “konferans”î nêrkî ya û wina vîyarena: “konferans: konferans (n)” Seba ke ma bi xo konferans organîze nêkerdo, ma mesulê nuştişê ê sernameyî nîyê ke fotograf de aseno.
Ez ancî to rê zaf sipas kena…
09 Temmuze 2012 Dişeme 12:34
Zonê ma
Serkan Avagon Adir
Her çend di nûçeyê de qala navên kesên ku wekî axêver beşdar bûne nehatiye kirin jî qasî ku di wêneyan de diyar dike kesên wekî Malmîsanij, Mûnzûr Çem, Seyîdxan Kûrij ... ên Koma Vate li ber çav nakevin. Digel ewqas ezmûnên Kurdan jî ger Kurd hîna nikaribin li ser ziman jî bên cem hev di wir de kêmasiyeke mezin heye ku ev yek çu hincetê qebûl nake - ku girîngiyan ziman ji ser hemû tiştan re bingeha serekî ya hebûna şirîgatiya Kurdan e-... Li aliyê din nizanim xemxurên Kirmanckî di kar û barên vî rengî de çiqas ji xemxurên Hewramkî sûd werdigirin. Her çend roja me îroyîn de Hewramkî bi giştî di nav zimanzanên me de bê paşguhkirin jî, lê herî zêde klasîkên Kurdî bi vê şêwezarê hatiye nivîsandin û her wiha nêzîkatiya Kirmanckî û Hewramî kêmzêde tê zanîn.. Ew çend nêzîk in ku zimanzanên Kurdî yên Başurê Kurdistanê, Hewramî û Kirmanckî/Kirdkî şêwezerên yek zaravayî, zaravayê Goranî/Gewranî, li qelem didin.. Ger hewa Hewraman li Çewlîga bedew û şêrîn bixista dê beşdaran ji vê yekê hêzeke mezin bistanda.. Bi hêviya xebatên zimanî li ser hemû ol, mezheb, tayîfe, komik, rêxistin û partiyan bên girtin... Serkeftin... Çavên te radimûsim Çewlîga mi...
04 Temmuze 2012 Çarşeme 17:07