zazaki.net
19 Adare 2024 Sêşeme
Girdîya Karakteran : 12 Punto 14 Punto 16 Punto 18 Punto
26 Çele 2017 Panşeme 23:32

Hûmara 95. ya Newepelî Vejîya

Nuştoxanê na hûmare ra Nîhal Kayişkiran, Ceren Yağız, Zerîngul Bor, Rozerîn Okçu, Bîlal Yakişan û Mesûd Aslan reya verên a ke nusenê.

Hûmara 95. ya rojnameyê yewin yê bi kirdkî Newepelî bi muhtewayêka dewlemende vejîya.

Roportajê na hûmare Alî Aydin Çîçekî muzîsyen Dogan Çelîkî dir kerdo. Dogan roportajê xwu de behsê xebata xwu ya muzîkî keno, derheqê muzîkê kirmanckî (zazakî) de fikrê xwu vano û pêşnîyazan keno.

Îsmet Borî nuşteyê xwu yê dergî de behsê mecaraya rojnameyê Newepelî ya Almanya bajarê Bremenî keno. Wisif Ziya Döger nuşteyê xwu de behsê serebutanê xwu yê medreseyanê kurdan û mektebanê tirkan keno. Necîbe Kirmizigul zî yew nuşteyo edebî yo kilmek nuşto. Roşan Lezgînî mintiqaya Licê de nameyê mewsiman û aşman senî vajîyenê, înan ser o nuşto. Huseyîn Çakanî mîyanê şarê ma de edetê parekerdişê mal û milkî ser o nuşto.

Nîhal Kayişkiran û Ceren Yağiz her yewe yew mesela nuşta. Zerîngul Bor almankî ra yew mesela û Rozerîn Okçu zî înglîzkî ra yew fiqra tercumeyê kirdkî kerda. Bîlal Yakişanî mintiqaya Dara Hênî ra yew mesela nuşta, Harûn Bozkurtî yew fiqra arêdaya, Mesûd Aslanî mintiqaya Licê ra di mamikî, Roşan Lezgînî zî yew mamike arêdaya. Murad Canşadî mintiqaya Dêrsimî ra kitabê Dr. Daîmî Cenigizî ra tayê manîyê Seyîd Qajî neqil kerdê. Şaynebî Laçînî hetê Gêlî ra yew deyîre arêdaya.

Mihanî Licokic, Hesê Belê û Mehmed Emenî zî bi şîîranê xwu na hûmara Newepelî xemilnaya.

Nînan ra teber, nuşteyê edîtorî, xeberî, xaçepers, ferhengek, tarîfê werdî û nameyê nebatan na hûmara Newepelî de ca gênê.

Nuştoxanê na hûmare ra Nîhal Kayişkiran, Ceren Yağız, Zerîngul Bor, Rozerîn Okçu, Bîlal Yakişan û Mesûd Aslan reya verên a ke nusenê.

Roja 15 adare 2011 ra heta nika, 95 hûmaranê rojnameyê Newepelî de nuşteyê 342 kesan weşanîyayê. Nînan ra, qasê 250 kesî reya verêne Newepel de dest bi nuştiş kerdo.

Na xebere 7355 rey wanîyaya
No nuşte hema şîrove nêbîyo.