zazaki.net
17 Tebaxe 2017 Panşeme
Girdîya Karakteran : 12 Punto 14 Punto 16 Punto 18 Punto
29 Hezîrane 2012 Îne 15:03

Hûmara 32. ya Newepelî Vejîya

32 hûmaranê Newepelî de 102 kesan nuşto. Nînan ra 75 kesan reya verêne Newepel de dest bi nuştişê kirdkî kerdo.

Hûmara 32. ya rojnameyê kirdkî Newepelî bi muhtewayêka dewlemende vejîya.

Roporatajê na hûmare Seyîdxan Kurijî muzîsyeno namdar Mehmed Çapanî reyde kerdo. Mehmed Çapan derheqê cuya xo û muzîkî de melumatanê erjayan dano û vano “Lawikî ma zaf weş î, zaf weş î, şima ra se vazîme… Wext ke merdim ebi serrûn a muzîk wend, naye vîneno. Muzîk teyna tangir-tungir nîyo. Hunermend ganî ebi zanaye (bilinçli) muzîk virazo, kilamûn ebi zanaye vazo.

Edîtor nuşteyê xo de dersa weçinita ya kurdkî ser o vinderto û vano “Stratejîya mucadeleyê kurdan ganî wina bo. Yew game ney eke yew mîlîm, tena yew mîlîm zî kewt destê kurdan ganî tavil bigîrê destê xo û aver şirê. Yew mîlîm aver de bîyayîş yew mîlîm apey de bîyayîşî ra zaf başêr o. Eke ma biewnîn rewşa xeterine ya kurdkî ra, wendegehan de dersa musayîşê wendiş û nuştişê kurdkî, sey dersa weçinita bo zî, gamêka zaf muhîm a. Ganî kurdî heme wayîr vejîyê û na game ra îstîfade bikerê. La esla qîmê xo pê nêarê!”

Murad Canşad, Mela Eyub Qizilaxacî, Umer Kiliç, Pala Muslim, Zerîn Azrawa, Rohelat Aktulum, Usman Kiliç, Bedrîye Topaç, Dilo Bargiran bi nuşteyanê xo, Roşan Lezgîn, Îlyas Gîzlîgol û Îrfan Sîmserkîsij bi şîîranê xo na hûmare de ca gênê. Nînan ra teber gelek xeberê muhîm û balkêşî zî rojname de weşanîyayê.

Seke aseno rojnameyê Newepelî kirdan rê bîyo wendegehê wendiş û nuştişî. Her hûmare de çend nuştoxê neweyî vejîyenê meydan. Mesela, na hûmare de çar nuştoxî reya verên a ke nusenê.

32 hûmaranê Newepelî de 102 kesan nuşto. Nînan ra 75 kesan reya verêne Newepel de dest bi nuştişê kirdkî kerdo. Nê îstatîskî zî nîşan danê ke rojnameyê Newepelî senî kadroyanê kirdkî perwerde keno. Zafê nuştoxanê ke newe dest bi nuştiş kenê, edîtorê rojnameyê Newepelî bi her hawayî nuştoxan reyde eleqedar benê, wareyê nuştişî de nuştoxan perwerde kenê.

Nuştoxanê ke hetanî ewro Newepel de nuşto nê yê:   

Adir Dêrsimij, Adir Tilistone, Alî Aydin Çîçek, Alî Beytaş, Ayhan Sarigol, Bawer Xebat, Bedrîye Topaç, Berxwedan Pîranij, Bîlal Zîlan, Burçîn Asna, C. Zerduşt Pîranij, Cemal Azij, Cemîl Robar, Ciwan Sutpak, Deniz Dilar Pîrejmanij, Dilo Bargiran, Dîyadîn Şewsipî, Doxan Karasu, Doxan Munzuroglu, Duzgun Axdat, Edalet Işiktaş, Ednan Bermazî, Ehmed Kirkan, Ehmedê Dirihî, Elîyê Qasimûn, Emîne Guzel, Enwer Yilmaz, Erdal Demir, Esad Namdar, Esra Altun, Ezîz Derdan, Ferat Roşna, Ferîde Sêwrekij, Gursel Bîngol, Haqan Yaşar, Hesê Belê, Hesen Alkiş, Hesen Çakir, Hesen Fehmî Kara, Hesenî Giran, Huseyîn Çakan, Huseyîn Karakaş, Îbrahîm Bîngol, Îdrîs Yazar, Îlyas Gîzlîgol, Îrfan Kaya, Îrfan Sîmserkîsij, Îsmaîl Guven, J. Îhsan Espar, Lezgîn Gozen, M. Arif Ayçiçek, M. Sebrî Akgonul, Mahîr Dogan, Malmîsanij, Mehmed Seyîtalîoglu, Mehmed Yergîn, Mehmûd Oktar, Mela Eyub Kizilaxacî, Menaf Mutlu, Meqsed Muqrîyanî, Mistefa Gomayij, Mistefa Karadagli, Mistefa Şahîn, Mucahîd Baran, Mujdat Gîzlîgol, Murad Bakudan, Murad Canşad, Mutlu Can, N. Celalî, Nadîre G. Aldatmaz, Netîce Altun, Newzat Anuk, Newzat Valêrî, Nûrî Keleş, Nusret Uzel, Osman Tetîk, Pala Muslim, Pişar Xançukij, Remezan Yalinkaya, Rindê Becerîklî, Rohelat Aktulum, Roşan Lezgîn, S. Ozan Aslan, Serdar Bedirxan, Serpîl Karişli, Seyîdxan Kurij, Sînan Sutpak, Şengul Arslan, Şeyda Asmîn, Tekîn Agacik, Umer Farûq Çetînkaplan, Umer Farûq Ersoz, Umer Kiliç, Usman Kiliç, Wehdet Sîwanij, Weysel Hanyildiz, Wisivê Murtî, Xeyrî Yaşar, Xurşîd Mîrzengî, Yaşar Baluken, Zerîn Azrawa û Zerrweş Xodî.

Na xebere 1835 rey wanîyaya
ŞÎROVEYÎ
hêvî û daxwaz
Serkan Avagon
Rûspî û hunermendê Kurd rêzdar Çapan her çend di warê pêşwazîkirina dersên hilbijartî (tesediq) de nirxandineke xweşbîn kiribe û divê ta astekê ev nêrîn neyê feramoş/paşguh kirin jî; lê belê divê Kurdistanî ezmûna qursên ziman jî ji bîr nekin ku ji sûdmendiyê bêhtir zerermend bû. Çima zerermend bû? Ji ber ku van qursan/korsan di hiş û derûna girseya Kurd a azadîxwaz de nêrîna ku "ma gelo hemû ked û xebat ji bo vê yekê bû, ji bo em zimanê xwe bi pere û mişagî fêr bibin?! yan jî Ev destpêk bû jixwe hêdî hêdî hemû mafên hatine binpêkirin dê bi xwe ve bên dayîn!" çêkir û ev yek jî di dendik û cewhera gel de rê li ber sistiyê vekir.. Em bi hêvî bin, lê bila hêviya me em bi xwe bin...
30 Hezîrane 2012 Şeme 13:27
raştıyan bıvina
M.M. Gımgımi
waştışé Serdar weş o, la raştış ra dur o çunke vano wa Newepel bı bo heftene,labelé hela editor ra wa pers bıkeri dı hefteyin de çıqas rojname yeno rotiş an gırotış ...
slav u réz şimaré
29 Hezîrane 2012 Îne 23:11
wa rojname hewteyin bo
Serdar
ez qayîl a ke Newepel wa bibo rojnameyo hewteyin.

___________________
Bira, wilay ez qayîl a bibo rojane.
La quwet zano, qudret zano!
Û Homa ha ma ser o vîneno ke ma mîyanê çi şerpezeyîye de 15 rojan ra reyêk vejenê!...
29 Hezîrane 2012 Îne 15:20