Duhok de Rojê Edebîyatî yê Bakur-Rojawanî

Bajarê Kurdistanê Başûrî Duhok de rojanê 7-9.11.2013 de Rojê Edebîyatî yê Bakur û Rojawanî organîze benê. Çalakîya ke derheqê edebîyatê kurdî yê Kurdistanê Bakur û Kurdistanê Rojawanî de bena, bi serpereştîya serwezîrê hukmatê Kurdistanê Başurî Nêçîrvan Barzanî hetê Yewîya Nuştoxan Şaxê Duhokî ra organîze bena.

Kurdistanê Bakurî ra kesayetîyê sey Prof. Qedrî Yildirim, Dr. Selîm Temo, Roşan Lezgîn, Berken Bereh, Xalid Sadînî, Rodî Zinar, Îhsan Sureya, Mihemed Zahir Ertekîn û Çiya Mazî sey panelîst beşdar benê. Gelek kesê bînî zî sey mêman ameyê wesênayîş.

Kurdîstanê Rojawanî ra zî Xalid Cemîl, Konê Reş, Îbrahîm Mehmûd, Selam Darî, Mihemed Şêxo, Berzo Mehmud û Fewaz Ebdî sey panelîst beşdar benê. Ancî Rojawan ra zî sey Bakurî gelêk kesî sey mêman ameyê wesênayîş.

Her hîrê rojanê çalakîye de şanwanan Şanê Şîîran yenê organîzekerdiş û her şewe şeş şaîrî şîîran wanenê.