tecesumê vengî

însanan ra

zaf hema

zaf, la ge-ge

hîna zaf

sikûnet ra

hes kerdêne

enê ra bi

qet nêverda

êyê bînan ra rew wuriştiş

tena sereyê xwu geyrayiş

koyanê koroxlîyî

serê sibayî wuriştiş dere de rîyê xwu şutiş çi luksêko pîl bi

dima bi melodîyêk vejyayne diyar

sey guldana ke gula xwu nêdîya şinawit serê miyaneyî

teng tenik

nermik la wuşk

wuşk labelê nazik

seramîk ra milê ci çewt

kiftê ci ra bi qirika ci

damar-damar lîf-lîf lenf-lenf gîl-gîl bi derg  

herinda vilan de fekê guldane ra nefes diyayne teber

vera hîçbiyayişî de deyax nêkerd xwu-vero ceniqîya

bi veng  

xwura tekane embaza ena guldane tim yew mirrînî bî

darnequrê şabelûyêre zî ewilî ra yew veng ra îbaret bi

cayo ke xwu nimitêne ra req-req reqnayêne

va eke şiîre xirab bo xwu da nazan ro

wexto ke vatêne “şaîro ke mi binusno

hema pîzeyê dadîya xwu ra nêameyo teber…”

…wina razî bi rîsk girewt

bi goşt û gewde bi

eysa

darnequro koroxlîyij

bêre binişe verara mi bineyke zî mi

deke nê karî miyan

eno bedenê min o bêkêr

to rê zî nêbeno eyla wina nîyo?

______

tirkî ra tercume: roşan lezgîn