Tutê Dîyarbekirî Benê Vindî

Goreyê îstatîstîkanê resmîyan, Dîyarbekir de çar serranê peyênan de 1776 tutî bîyê vîndî. Yanî, serra 2007î de 319, 2008î de 396 tutî, 2009î de 514 û serra 2010î de zî 547 tutî bîyê vîndî.  

Nê tuatn ra, se ra 39ê înan şîyê mîyanê gerîlayan. Zafê tutanê ke şîyê mîyanê refanê gerîlayan, semedo ke derheqê înan de dewayî abîyê û ameyê mehkeme kerdene. Se ra 23 seba ke bizewijîyê û se ra 8 zî seba ke dekewê mîyanê grûbanê sucî keye ra remay.

Goreyê reqemanê resmîyan emser Dîyarbekir de hezar û 175 tutî ke nînan ra 67 hebî kêna yê, dekewtê mîyanê sucî.

Komîsyonê heqanê merdiman yê meclisa tirkan, mekteb, pansîyon û stargehanê tutan yê Dîyabekirî de yew tehqîqat viraşt. Goreyê tehqîqatê nê komîsyonî, mîyanê des aşmanê verênan yê serra 2010î de hezar û 175 tutî Dîyarbekir de dekewtê mîyanê sucanê ke vera şexs û malî de bîyê. Hewna, goreyê tehqîqatê nê komîsyonî, 547 tutanê vîndîbîyayan ra 518ê înan verê dadî û babîyê xo de manenê la keyeyê xo terk kerdo û bîyê vîndî. Par des pitî, emser zî yew pit kuçe de bêwayîr ameyo terk kerdene.

Goreyê malumatanê nê komîsyonî, zafê tutan qesten merdiman birîndar kenê, dizdî kenê û zerar danê malê merdiman ro.