zazaki.net
28 Adare 2024 Panşeme
Girdîya Karakteran : 12 Punto 14 Punto 16 Punto 18 Punto
05 Tebaxe 2009 Çarşeme 17:19

"TRT-6 Alfabeya Ma Bedilnena"

Grûba Xebata Vateyî peynîya kombîyayîşê xo de derheqê TRT-6î de yew vilaweke seba çapemenîye vila kerde.

Grûba Xebate ya Vateyî ke demeyêko derg ra xebata standardîzekerdişê lehçeya kirmanckî (zazakî) dewam kena, kombîyayîşê xo yê 17. Dîyarbekir de viraşt û peynîya kombîyayîşî de derheqê TRT-6î de yew vilaweke seba çapemenîye vila kerde.

Vilaweke wina ya:

HEQÊ TRT-6'î ÇIN O KE ALFABEYA MA BIVURNO!

Komara Tirkîya destpêkê ronayîşê xo ra nata ziwanê kurdkî ser o polîtîkaya înkar û zordarîye domnaye. Labelê çarçeweya tayê vurnayîşanê nê serranê peyênan de, dest bi weşanê kanalê TRT-6'î kerd. Ma weşanê nê kanalî bi meraq û baldarîye taqîb kenî. Herçiqas weşanê nê kanalî zafane bi lehçeya kurmanckî bo bi kirmanckî (zazakî) zî weşan keno.

No weşano kirmanckî yo ke dereceyêka komîke de dewam keno, herinda ke binnuşteyan de alfabeya kurdkî bişuxulnî, ma bi heyret vînenî ke tayê herfî vurnayê.

Ganî na rewşe gamê aver rast bibo. Tu sedemêko maqul çin o ke lehçeyê kurdkî bi alfabeya cîya binusîyê. Na kerdena TRT-6î zirar dana ziwanê ma. Ne selahîyetê TRT-6î ne zî yê sewbîna dezgeyî esto alfabeya ma bivurno.

Badê polîtîkaya qedexeker û zordare ke demeyêko derg dewam kerd zî nika wina mudaxelekerdişê ziwanê ma, bi hawayêko cidî ma endîşenak keno. Seba ke na rewşe gamê aver rast bibo, ma selahîyetdaraanê TRT-6î îqaz kenî û ma wazenî ke rayaumûmî na babete de hîşyar bo.

vate alfabe trt 6 malmisanij2.jpg

vate alfabe trt 6 malmisanij3.jpg

Na xebere 3122 rey wanîyaya
ŞÎROVEYÎ
gimgim
zaza
Eke ti şîroveyê xo de rasterast yan zî sergirewte heqaret ro kesêk yan bawerî û mîlîyetê merdiman bikerî yan zî şîroveyê xo heme bi HERFANÊ GIRDAN û teberê qaydeyanê rastnuştişî de binusî, nêweşanîyeno!
29 Teşrîne 2009 Yewşeme 02:27
TRT tirkkî de bimano
Serkan Bucak
Trt re kes nevato, bêre semeta ma program bivirazê. Mi reye gos na ser, muhabîrê TRT (kirmanckî) ebi siveyî tirkkiye estanbolî xeber dana. Karê TRT encax honde beno.

La TV ye ma kurdan de zî towa cîno. Zone ma, kaleka TV û nustey de werte de mendo.

Coka Zazakî.net serva ma zaf muhim yo.

Naca de zonê hevike yeno peser.

Eke shikîne video hevike zede bikerê ci, sare ma wendene ra musayi nîyo.



Berxudar be! Serkewtin sima re.


Serkan Bucak

Notê edîtorî:
Merheba Serkan,
Seba hîsanê to yê delalan û seba fikr û pêşnîyazanê to zaf sipas.
Ma hema sere de yî. Vera-vera ma do aver şêrin. Çi ke destê ma ra bîyero ma texsîr nêkenî. Eke ma heme hetê yewbînan bikin, karê ma hîna asan beno. Ma pabeyê fikr, pêşnîyaz û ardimê şima hemîne yê. Eke ti şikînî, nameyê dewanê qezaya xo ma rê arêbide û bişawe. Gegane zî ti şikînî lînkê vîdeoyan ma rê birusne.
Zaf selamî...
16 Tebaxe 2009 Yewşeme 02:55