zazaki.net
27 Gulane 2017 Şeme
Girdîya Karakteran : 12 Punto 14 Punto 16 Punto 18 Punto
13 Adare 2015 Îne 09:48

TASA TILSIMÊNI

Bîlal Zîlan

Ina tasi deway Nêribê Axon ra cenîya Mela Ehmedê Pîlî, Nûray Evdalî ra menda. Nika ha keyeyê ma de.

‘Ema Nûre semedo ke cenîya melay bî, zonayîşê ya yê dînî û cematî zêde bi. Coki ra, xelesîyayîşê cenîyon yanî bîyayîşê gedeyon de dêkey kerdênê. Wextê pîzenêweşî ra hetonî bîyayîşê puton û pîlkerdişê gedeyon cenîyon ti ra ardim waştêni û yay zî xizmetê yin kerdêni. Imbaz û telebeyê yay zî inê meselon de zaf mahîr bî. Sey, ‘Emay Reson, Hecî Fatmay’ Hecê Mehdê Huseynî, Nûray Mela Bekirî... ‘Ema Nûri û hevalê xo eynî wext şitişê meyîtê cenîyon û merasîmê yino dînî de zî eleqedar bîyêni û meselonê aîlewî û sihetî de zî şêwirmendi bî.

Wextê bîyayîşê gedî de ina tasa tilsimêni ra awi dayêni cenîya hamîla û umîd kerdêni ke bîyayîşê gedî hîna rehet bo. Bîyayîşê putî ra dima, roja çewresini de cenîya zaciloni hem xo û hem zî gedeyê xo pey ina tasi şitêni. Dêkî, zonayîş û hunerê xo di zora zaf aver bî. Umîdê yin teyna ina tasi nêbî, no yew edeto verên bi.

Tasi ser o toyê nomey û duay nuşte yî. Leweyê tasi de tayê reqemê erebî estî. Kinara zerrî de duyes hebî daîreyî estî, hergû daîre mîyon de Allah, Muhammed, ‘Elî, Fatima nuşte yo. Nuşteyê zemînî bi xêzon qisim qisim abiryayo. Di rêzonê zemînî de Allah, Muhammed, ‘Elî, Fatima, Hesen û Huseyn nuşte yo. Destxetê Mela Ehmedê Pîlî weş bi, beno ke yey bi xo inê nuşteyî tasi ser o nuştîbî, yon zî wexto ke şîyo Hîcaz (hac) ina tasi uca ra arda. Ina babet de malumato qetî çinî yo.*

______________

dêki (m): ebe

Not: Mi nê melumatî pîlanê xo ra girewtî û sey fekê Nêribî nuştî.

*No nuşte "Newepel, Rojnameyo Kulturî yo 15 roje, Dîyarbekir, Hûmare 36, 01-15 Êlule 2012, 8" de weşanîyayo.

Na xebere 2353 rey wanîyaya
ŞÎROVEYÎ
Hîna Zaf Binûse Kekê Bîlal
Kirdaneyij
Kekê Bîlal ji kerema xwe re di vê malpera delal de zêdetir binivîse. Çunku Newepel bi destê herkesî nakeve labelê li ser tora înternetê herkes dikare nivîsan bixwîne û jê îstifade bike. Tu jî qet nebe mehê du caran nivîsekî ji zazakinetê re bişîne. Wiha dê baştir be.

Zaf silamî.
13 Adare 2015 Îne 16:34