zazaki.net
25 Teşrîne 2017 Şeme
Girdîya Karakteran : 12 Punto 14 Punto 16 Punto 18 Punto
05 Adare 2011 Şeme 12:16

Îsmaîl Beşîkçî rê 15 Mengî Ceza

Xebere: Zazakî.Net

Mehkema Cezaya Girane ya 11. ya Îstanbulî bi sedemê ke Îsmaîl Beşîkçî nuşteyê xoyê bi sernameyê “Heqê Tayînkerdişê Qederê Miletan û Kurdî” ke kovara “Çağımızda Hukuk ve Toplum” de weşanîyabî, propagandaya rêxistine kerda 15 mengî ceza da ey.

Roniştişê hîrin yê mehkema roja 04.03.2011, Beşîktaş de Edlîya Îstanbulî Mehkema Cezaya Girane ya 11. ya Îstanbulî de virazîya. Çewres û yew avûkatê Îsmaîl Beşîkçî zî mehekeme de amade bîy.

Beşîkçî parêznameyê xoyê verênî tekrar kerd û va: “Peymê medenîyetî azadîya fikrî û rexneyo azad o. Şertê yewin yê zanistî û demokrasî zî naye îcab keno. Welato ke tede azadîya fikrî çin bo, gendelî û dizdî tede virazîyênê. Hetê sîyasîyan ra zî îfade beno ke nê welatî de problemo sereke meselaya kurdan a. Seba ke na mesela hel bibo, wezîfe keweno mehkeme û unîversîteyan ser.”

Îsmaîl Beşîkçî mehkeme de va: “Nuşteyê mi ke bîyo mewzûyê na dewa de tu sucêk çin o. Çîyo ke tede suc çin bo, telebkerdişê beratî zî rast nîyo.”

Heyetê mehkeme, derheqê Îsmaîl Beşîkçî û weşnagera kovara “Çağımızda Hukuk ve Toplum” de wina qerar da: “Nuşteyê Îsmaîl Beşîkçî ke bi sernameyê 'Heqê Tayînkerdişê Qederê Miletan û Kurdî' ke rîpelanê 5 ra hetanî 12. yê kovara ‘Çağımızda Hukuk ve Toplum’ de weşanîyayo de propagandaya PKK ameya kerdene.

Goreyê madeya 7/2. ya qanûnê mucadeleyê vera terorî de (TMK) bi rayîrê çapemenîye propagandaya rêxistine ameya kerdene, coka seba nuştoxê meqala Îsmaîl Beşîkçî serêk û hîrê mengî, seba weşangere Zeycan Balci Şimşek zî 16 hezar û 660 TL cezaya peran bi zafaneyê rayanê heyeta mehkeme ameya birnayene.”

Serekê mehkeme Şeref Akçayî vera qerarî de şerhê xo rona û muxalefet kerd. Serekê Mehkeme Şeref Akçayî va: “Nuşte de bîyayîşê ke Tirkîya de û welatanê bînan de qewimîyenê, perspektîfê tarîxî ra ameyê analîz kerdene û nuştoxî goreyê fikrê xo ra çareyî peyda kerdê. Tena yew cayê nuşteyê xo de vano, ‘Ewro koyê Qendîlî ke gerîlayê PKK tede manenê, rojêk hetê Tirkîya ra roja bîne hetê Îranî ra yeno bombe kerdene.’ Gama ke merdim bala xo dano pêroyê nuşteyî ser, nuşte de qalê kerdenanê PKK beno la derheqê pesindayîşê rêxistine de çîyêk çin o.”

Badê ke mehkeme qedîya, vernîya Edlîyeya Îstanbulî de ke Beşîktaş de ya, Îsmaîl Beşîkçî va: “Cuya sîyasî ya Tirkîya de azadîya fikrî meseleyêka zaf gird a. Îdeolojîya resmî vernîya azadîya fikrî de astengêk a. Ganî no asteng, yanî îdeolojîya resmî bi termanê îlmîyan bêro rexne kerdene. Gama ke yena rexne kerdene zî rey-rey cezayê winasî dîyênê. Hewna zî ganî îdeolojîya resmî bi termanê îlmîyan bêro rexne kerdene.”

Na xebere 1852 rey wanîyaya
ŞÎROVEYÎ
ceza
seyt riza dersim
Öncelikle Sayin Ismail Becikciye Verilen cezayi kiniyorum,
turaniler kürtlerin isminden ve cografyasindan bahis eden insanlara bille ceza veriyor bu halleriyle kendilerini dünyaya demokrat olarak yuturuyorlar
Dünyada bunlarin bu irkci sistemine göz yumuyor.
Dünyayi bir kenara birakalim Bazi kürt yalakalar bille bu sisteme arka cikiyor . ismail besikci gibi namuslu insanlar olmasa yasamin bir anlami kalmiyor.
06 Adare 2011 Yewşeme 14:43