zazaki.net
24 Tebaxe 2017 Panşeme
Girdîya Karakteran : 12 Punto 14 Punto 16 Punto 18 Punto
10 Teşrîne 2010 Çarşeme 07:53

Siltan Beno Artîstê Fîlman

Xebere: Zazakî.Net

Siltano Dêrikij (Sultan Kösen) ke bi qama xo ya derge ya 2 metreyî û 45 santîmî kitabê rekoran Guinnessî de sey camêrdo tewr derg yê cîhanî ca girewto, do bibo artîstê fîlman yê Hollywoodî.

Hollywoodî teklîf ro Siltanî kerdo û ey zî teklîfê Hollywoodî qebul kerdo. Seba ke fîlm de kaybikero nika ra dest bi musayîşê îngilîzkî kerdo.

Siltan vano, “Hetanî nika mi çend fîlmanê dokumenteran de kaykerdbi la ez wazena yew fîlm de kaybikerî. Tirkîya de hetanî nika kesî zêde eleqe nîşanê mi nêda. La gelek cayanê cîhanî ra teklîfê fîlman mi rê amey. Mi teklîfê Hollywoodî qebul kerd. Seba ke ez nê fîlmî de kaybikerî ganî ez înglîzkî bizanî. Coka mi dest bi musayîşê îngilîzkî kerdo. Ez nêwazena nê firsendê destê xo ra biremnî.” Û bi no qayde yew kolej de dest bi musayîşê îngilîzkî kerdo. Siltan gerizîyêno ke welat de kes zêde eleqe nîşanê ey nêdano û wayîrîye ro ey nêkeno. 

Na xebere 1430 rey wanîyaya
ŞÎROVEYÎ
roj
roj
helal toré siltan... biramine ini firsendé xo
11 Teşrîne 2010 Panşeme 04:05