zazaki.net
17 Tebaxe 2017 Panşeme
Girdîya Karakteran : 12 Punto 14 Punto 16 Punto 18 Punto
12 Êlule 2010 Yewşeme 21:07

Kurdan Referandum de Va “Erê”

Xebere: Zazakî.Net

Tirkîya de referandumê vurnayîşê 26 madeyanê qanûnê bingehînî roja 12.09.2010 de virazîya û bi rêjeya se ra 58 qebul bi. Zafaneyê kurdan zî referandumê vurnayîşê madeyanê qanûnê bingehînî rê va “erê”.

Dêrsim ne tede, heme şaristananê kurdan têpîze de se ra neway (% 90) ra cor vurnayîşê madeyanê qanûnê bingehînî rê raya musbete da.

Şaristananê kurdan ra rekor destê Çewlîgî de yo. Çewlîg de rayê “erê” se ra 95.3 vejîyay. Çewlîg de rêjeya şîyayîşê serê sindoqan se ra 77 bi.

Dêrsimî se ra 80.8 va “ney”, se ra 19.2 va “erê”. Dêrsim de şîyayîşê serê sindoqan se ra 66.7 virazîya. Xora temamê Tirkîya de rêjeya şîyayîşê serê sindoqan se ra 77.3 ya.

Dîyarbekir de zî se ra 94.1 “erê”, se ra 5.9 “ney” vejîya. Qezayanê Dîyarbekirî ra rayê “erê” tewr zêde Hêni ra vejîyay. Hêni de se ra 98.5 “erê”, se ra 1.5 zî “ney” vejîya.

Dîyarbekir de şîyayîşê serê sindoqan se ra 35.2 virazîya. Weçînayîşanê verênan de zî şîyayîşê serê sindoqan Dîyarbekir de hertim beynateyê se ra 45 ra hetanî se ra 85 bîyo. Mesela, weçînayîşê serekanê beledîye yê 2004î de şîyayîşê serê sindoqan se ra 44.88 bi.

Şaristananê kurdan ra o ke tewr tay şi serê sindoqan Culemêrg bi. Culemêrg de rêjeya şîyayîşê serê sindoqan se ra 9.5 bî. 

Tirkîya de şarê qeraxê deryaya Sipî û deryaya Egeyî zafane rayê înan “ney” bîy. Şarê nê mintiqayan zafane macirê hetê Balqanan ê. Dewleta Tirkîya destpêkê se serra vîstine de rûm û yunanî ê doran ra kerdîy ra û macirê Balqanan herinda înan de bi ca kerdîy. Coka şarê nê mintiqayan her tim terefdarê dewlete yê, partîyanê dewletparêzan desteg kenê.

Badê ke vurnayîşê nê 26 madeyanê qanûnê bingehînî referandum de qebul bi, na rey sere de kurdî, zafaneyê şarê Tirkîya teleb keno ke yew qanûnê bingehîn newe ra bêro viraştene. Bi taybetî kurdî wazenê nê qanûnî de bi hawayêko resmî bêrê şinasnayene û heme heqê neteweyî yê kurdan bêrê dayene. Xora, referandumî ra ver serekwezîrê Tirkîya Receb Teyîb Erdoganî soz dabi ke badê referandumî yew qanûno bingehîn o newe bêro viraştene.

Nê 26 madeyanê ke referandumê roja 12.09.2010 de amey qebul kerdene ra seba kurdan çîyo tewr muhîm no yo ke tîya ra pey do mensûbê artêşa tirkan zî êdî mehkemeyanê sivîlan de mehkeme bibê û êdî kesê sivîlî mehkemeyanê eskerîyan de mehkeme nêbê. Nê cîhetî ra kurdî ronayîşê dewleta Tirkîya ra nat her tim mexdûr bîyêne. Badê ke referandum de qanûnî amey vurnayene, gelek dezge û kesan dest pêkerd derheqê cuntaya 12ê êlula 1980 de dawa akerde.

 

Na xebere 1926 rey wanîyaya
ŞÎROVEYÎ
cımi pisi
Laser Wesar
heke ma vajı kurda wa erı ganım ma cımanı xo padı cımbestık kayké la ma ne kari ne kori.homay kém nıko ma het mıyan gél dı % 64 néşi sındoqa ser heme cayokı kurdı tede şaredarı gurota eno hal verçımando la ay caşın caxa şéx saıd efendı destı cın gunıya kurda surbıyo eyro zı heman çi kenı xo ra ın wacı erı qey ma nıstı caşa ra wacı kurda wato erı.ez wana ganım hındi kurd yewbıyayışı xwe vırazı.enhewa nébeno qey şıma nıdi cend qetliam ma serra vıret.kura beno wa bıbo ganım kurdı paştıya yewbın tewşo.yew waco eré yew waco né zırarı cé ma veynenı sewbına yew néveyneno.
16 Êlule 2010 Panşeme 18:58
Birlik
Azad Demirci
Ve yine Kürtler. Ve yine bütün dünya uluslarından daha kabiliyetli oldukları bölünebilme olgusu. Yine biri kumaşın sağ tarafını çekiştiriyor diğeri sol tarafını. Ve yine biri çıkmış ben kazandım diyor, diğeri ben çoktan kazanmıştım havasında. 100 yıllık ezilmişlik, zulüm ve gadr hâlâ Kürtlerin aklına başlarına getirememişse, söylenecek hiçbir şey yok. Her şeyden daha önemli ve daha elzem olanı şu ki, en kötü kararda bile Kürtler birleşmeli ve bu aldıkları kötü kararı dahi birliktelik ruhuyla avantaja dönüştürmeyi bilmelidirler. Yoksa ona buna laf dokundurmakla hiçbir şey hallolunmaz, hallonmadı da. Birlikte alınmış en kötü karar bile bizi insanca yaşama götürecek dev adımları arasındadır. Bunun görülmesi icap ediyor artık.
15 Êlule 2010 Çarşeme 12:33
Eya!
kurdek
Eya eya beno hewl.Serekîya sandikaya mi zî Sultanahmet Endüstrî meslek Lîseyî de bi.Boykot zî xelî vecîya. Labelê çîyo ecayîb êyî ke boykot kerde Suke Trabzon,Çanakkale filanbevan ra bi. Apocî her ca ra vila bîye welhasil û kelem.

Yan çanakkale bîyo apocî ti vana.
12 Êlule 2010 Yewşeme 22:08