zazaki.net
25 Teşrîne 2017 Şeme
Girdîya Karakteran : 12 Punto 14 Punto 16 Punto 18 Punto
13 Oktobre 2010 Çarşeme 07:19

Kongreya PENa Mîyanneteweyî Tokyo de Virazîya

Xebere: Zazakî.Net

Kongreya 76. ya rêxistina nuştoxanê cîhanî PENa Mîyanneteweyî emser paytextê Japonya Tokyo de virazîya û Pena Kurd zî bi di endaman beşdar bîye.

Kongreya 76. ya PENa Mîyanneteweyî rojanê 25-30 êlule 2010 de paytextê Japonya Tokyo de virazîya. Nameyê PENa Kurd ser o birêz Bêrîvan Doskî û Abdulla Hîcab beşdar bîy.  

 

Kongreya PENa Mîyanneteweyî de, verî, komîteyê cîya-cîyayî yê sey Komîteya Cinîyan, Komîteya Aştîye, Komîteya Nuştoxanê ke Zindanan de yê, Komîteya Ziwan û Tercumeyî kongreya xo virazenê. Dima kongreya îdareyê PENa Mîyanneteweyî virazîyêna.

Kongre de PENê miletan derheqê xebata PENa Mîyanneteweyî de pêşnîyazan pêşkêş kenê. Goreyê malumatanê ke Abdulla Hîcab dano, endamanê PENa Kurd emser panc pêşnîyazî pêşkêşê PENa Mîyanneteweyî kerdê û her panc zî hetê delegeyanê PENa Mîyanneteweyî ra qebul bîyê.

Pêşnîyazê PENa Kurd nê bîyê:

  • Hetkarîya PENa Mîyanneteweyî seba wedarîyayîşê zordestî û vindarnayîşê pêrodayîşanê ke Kurdîstan de benê.
  • Hetkarîya PENa Mîyanneteweyî seba hetê dewletanê zordestan ra qebulkerdişê estene û heme heqanê miletê kurdî.
  • Piştgirîya PENa Mîyanneteweyî seba dîyalogê çarekerdişê meseleya kurdan.
  • Hetkarîya PENa Mîyanneteweyî seba ke meseleya kurdan hetê sîyasî ra çare bibo.
  • Hetkarîya PENa Mîyanneteweyî seba ke Kurdîstan de cematêko medenî bêro meydan, heme heqê merdiman bêrê pawitene û qanûnê gerdûnî bêrê tetbîq kerdene.

Komîteyê PENa Mîyanneteweyî, pêşnîyazê ke kogre de ameyê qebul kerdene ser o munaqeşe kenê û her komîte warê xo de dest bi xebate kena. Kongreya dima ra de zî netîceyê xebata xo sey raporî pêşkêşê îdareyê PENa Mîyanneteweyî kenê.

PENa Mîyanneteweyî rêxistinêka sivîl a, hêzê aye yê tetbîqkerdişê mueyîdeyan çin o la hetê psîkolojîkî ra şêna hetanî derceyêk tesîr ro hukmatan yan zî ro rayaumûmî ya cîhanî bikero.

Kongreya 76. ya PENa Mîyanneteweyî de PENa J

aponya ra Takeaki Hori sey sekreterê PENa Mîyanneteweyî û PENa Norvecî ra Eugene Schoulgin zî sey cagirewtoxê ey, PENa Amerîka ra Eric Lax zî sey hesabdarî û 4 kesê bînî zî sey endamê komîteya îdarekerdoxe amey weçînayene.

Na xebere 1630 rey wanîyaya
ŞÎROVEYÎ
Berxwedar
PÎRANIJ
Keyepela Zazak.Net'e yew erja ya şarê ma yê Kurd'ana.

Ganî wende û roşnvîrê şarê ma wayîr bıde bıvejîme.

Çıke mı gore na keyepele seba overberdış û merg ra xelısnayîşê zarê ma yo şêrın o Kırdkî /Dımılkî şewe û roj xo vero dana û pîze ra xebetêna.

Wa dest û lıngî xebatkar û gurênayoxanê ganfîdayanê aya weşe bî qelema înan têje ba

zaf sıpas
13 Oktobre 2010 Çarşeme 10:40