zazaki.net
20 Tebaxe 2017 Yewşeme
Girdîya Karakteran : 12 Punto 14 Punto 16 Punto 18 Punto
13 Adare 2013 Çarşeme 14:50

Kîlerê Kovar û Rojnameyan: www.netewe.com

Qismê “kîlera kovar û rojnameyan” de tam 152 kovar û rojnameyê ke 1898 ra nat Kurdîstan yan zî welatanê bînan de, bitaybetî yê ke hetê kurdanê Bakûrî weşanîyayê, estê.

Keyepelê Platforma Neteweyî ke tora înternetî ser o adresa www.netewe.com ra weşana xo keno, gelêk kovarê kurdan ke nika pîyase de peyda nêbenê, heme dijîtalîze kerdê.

Gama ke merdim nê keyepelî zîyaret keno, qismê “kîlera kovar û rojnameyan” de tam 152 kovar û rojnameyê ke 1898 ra nat Kurdîstan yan zî welatanê bînan de, bitaybetî yê ke hetê kurdanê Bakûrî weşanîyayê, nê keyepelî de bi hawayêko dîjîtal xizmetê wendox û cigêrayoxan de yê.

Qismêkê nê kovaran, heme hûmarê xo arşîv de ca girewto la qismêk tena yew yan çend hûmarê xo estê. Mesela, kovara Şewçila ke hetanî ewro hewt hûmarê xo weşanîyayê ra tena hûmara yewine, ancî rojnameyê ma Newepel ke hetanî nika 47 hûmarê xo weşanîyayê ra zî tena hûmaranê 1, 3, 5 û 6. tede ca girewto.

Labelê bi no hal “kîlera kovar û rojnameyan” yê Platforma Neteweyî seba cigêrayox û meraqdaran heqîqeten yew xezînaya zaf erjaye ya. 

Kovar û rojnameyanê kurdan ra ê ke qismêk hûmarê înanê dîjîtalî keyepelê Platforma Neteweyî de estê, nê yê:

Agahdarî, Agirî, Ala Rizgarî, Ala Yekîtî, Ala, Alternatîf, Armanc, Aşîtî, Aylık Dosya, Ayre, Azadî, Bangê Kurdistan, Berhem, Berbang, Bergeh, Bilime Doğru, Bîr, Bîrnebûn, Bultena Buroya Kurdî Bruksel, Bultena Enstîtuya Kurdî ya Brukselê, Cezaevi Bültenî, Cudî, Çarçira, Çibikin, Çira Rojname, Çira, Defter, Demokrat, Deng 1963, Deng, Dengê Bakur, Dengê Jinên Kurdistan, Dengê Komkar, Dengê Kurdistan, Dengê Me, Dengê Stêrka Rizgarî, Dengê Welat, Dicle-Firat, Dîdar, Dîplomat, Dugir, Em Çibikin, Esmer, Govend, Gulistan, Güney, Hawar, Helwest, Hevdem, Hevgirtin Welatparêz, Hêvî, Hêvîya Gel, Hevjîn, Hêza Welatparêz, Hira, Huquq û Civak, Îsot, Jîn, Jîna Nu, Jîna Serbilind, Jujin, Kawa, Kepir, Kîne Em, Koma Sor, Kormişkan, Kulîlk, Kurdistan 1898, Kurdistan Pres, Kurdistan Sos Kult Ar, Kurdistan YXLK Ewropa, Kurdnasîn, Kurmancî, Medya Güneşi, Mezopotamya, Mîdya, Mîrkut, Newaya Jîn, Newepel, Newroz Ateşi, Newroz, Niştiman, Nûbihar, Nûdem, Nûpel, Özgür Bilim, Özgür Gelecek, Özgür Gençlik, Özgür Halk, Özgürlük Yolu, Pale, Pelîn, Pênûs, Pênûsa Nû, Pêşeng PDGK, Pêşeng, Peyama Kurd, Pîne, Pirs, Qêrîn, Rabûn, Rastî, Rastiya Kurdisatan, Rê Heval, Rengîn, Rewşen YRWK, Rewşen, Rêya Şoreş, Riya Azadî, Rizgarî, Rizgariya Welat, Roj, Roja Nû 1943, Roja Nû 1997, Roja Welat, Rojev, Rojî Kurd, Rojname, Ronahî KŞKT, Ronahî, Ronî, RSDK info, Serbestî, Serketin, Serxwebûn, Sosyalist, Stêrka Rizgarî, Şewçila, Şoreşa Kurdistan, Têkoşer Înfo-Blad, Têkoşer, Têkoşin, Têkoşina Sosyalist, Tevger, Tevkurd, Tewlo, Tîrêj, Tîroj, Vatan Güneşi, Vate, Veger, Vengê Ciwanan, Welat, Xebat, Yekbûn înfo, Yekbûyî, Yekiti, Yekîtiya Sosyalîst, Yeniden Newroz, YJK li Swêdê, Zend, Zengil

Helbet rojname û kovarê kurdan heme nê nîyê. Hîna zaf, rojname û kovarê ke hetê kurdanê Bakûrî ra weşanîyayê, nê qismêkê înan ê. La bi no qayde yew ca de bîyayîşê hende kovaran arşîvêko zaf erjaye yo. Ne dirîyenê, ne benê kan, tim wina pak verê destî de bîyayîşê înan karê merdimî zaf asan keno. Tena yew qusurê xo esto ke merdim nêeşkeno nuşteyan kopî bikero. Eke merdim çîyê neql bikero, ganî xo rê bi destê xo binuso.

Seba ke keyepelê Platforma Neteweyî xizmetêko winasî kerdo, destê înan sax bo, keyeyê înan awan bo.*

___________

* Na xebere “Newepel, Rojnameyo kulturî yo 15 roje, Hûmare 47, Dîyarbekir 16-28 Sibate 2013, r. 3” de weşanîyaya.

Na xebere 2400 rey wanîyaya
No nuşte hema şîrove nêbîyo.