zazaki.net
28 Adare 2024 Panşeme
Girdîya Karakteran : 12 Punto 14 Punto 16 Punto 18 Punto
19 Sibate 2011 Şeme 11:15

Keyepelê DêrsimTv Dest bi Weşane Kerd

Nika ra temaşekarî şênê adresa www.dersimtv.com ra temaşeyê vîdeo û fîlmanê kirmanckî bikerê. Her kategorîye ra vîdeoyî tede estê, mavajîme muzîk, huner, roportaj, yarenîye ûsn.

Keyepelê DêrsimTv ke sey portalê vîdeoyan bi kirmanckî (zazakî) gureyeno, dest bi weşane kerd. Nika ra temaşekarî şênê adresa www.dersimtv.com ra temaşeyê vîdeo û fîlmanê kirmanckî bikerê. Her kategorîye ra vîdeoyî tede estê, mavajîme muzîk, huner, roportaj, yarenîye ûsn. Heme yan bi kirmanckî yan zî bi binnuşteyanê kirmanckî yê.
 
Goreyê danasnayîşê DêrsimTv, hedefê keyepelî raverberdişê kirmanckî warê multîmedya de yo. Yeno zanayene ke yew ziwano ke hem yeno temaşe kerdene hem kî yeno heşnayene, vilabîyayîşê nê ziwanî hîna vêşî beno efektîf. Game bi game pê DêrsimTv henî profesyonel yew arşîv û platformê vîdeoyan seba kirmanckî (zazakî) yeno viraştene. DêrsimTV gureyêde muşterek o, sermîyanîya DêrsimInfoyî kî destek dana nê projeyî. Labelê gerek temaşekarî bi xo kî vîdeoyan bi kirmanckî birusnê DêrsimTv ke xizmetê keyepelî ziwanê ma ser o bneyna bibo rind.
 
Adresa e-maîlî yê DêrsimTv na ya: info@dersimtv.com

Na xebere 3582 rey wanîyaya
No nuşte hema şîrove nêbîyo.