zazaki.net
27 Hezîrane 2017 Sêşeme
Girdîya Karakteran : 12 Punto 14 Punto 16 Punto 18 Punto
22 Êlule 2015 Sêşeme 17:08

Hûmara 79. ya Newepelî Vejîya

Xebere: Zazakî.Net

Hûmara 79. ya rojnameyê Newepelî ancî bi muhtewayêka dewlemende vejîya.

Na hûmare bi manşetê "Newepel Mektebê Nuştoxîya Kirdkî yo" weşanîyaya û bin de behs beno ke "79 hûmaranê Newepelî de 42 cinî 272 kesan nuşto. Nînan ra, 200 ra vêşêr kesan reya verêne Newepel de dest bi nuştiş kerdo."

Na hûmare de yew mektuba Kalliopi Bapîr ke cinîyêka yunane la veyva ma kurdan a, bi sernameyê "Selanîk ra mektube" rojname de ca girewto. Murad Canşadî yew nuşteyê Îlyas Akmanî ke derheqê hîkayeyanê kirdkî de hûmara 14. ya kovara Şewçila de weşanîyabi, hetêk ra analîz kerdo. Ancî Ehmedê Dirihî, Azad Ararat, Sedef Kandemir, Semra Bîrtane, Selma Dogu û Ahmed Karakoç bi nuşteyanê xo yê balkêşan na hûmare de ca girewto.

Hacer Petekkaya, Şaynebî Laçîn, Muhamed Deza Batur, Celal Gozen, Alî Şeker û M. Mamet Qetekonijî bi şîîranê xo na hûmare xemelnaya.

M. Emîn Kaçanî mintiqaya Licê ra yew sanike arêdaya, Necîbe Kirmizigul werdê ma tarîf kerdê. Ehmedê Dirihî dewê qezaya Dêrike yê ke kirdkî qisey kenê tesbît kerdê. Nînan ra teber, nuşteyê edîtorî, çend xeberî, xaçepers, nameyê nebatan û ferhengekî na hûmare de ca girewto. 

Nuştoxanê na hûmare ra Azad Ararat, Sedef Kandemir, Semra Bîrtane, Selma Dogu, Celal Gozen û Ahmed Karakoç reya verên a ke Newepel de nusenê.

Na xebere 2940 rey wanîyaya
No nuşte hema şîrove nêbîyo.