zazaki.net
24 Gulane 2017 Çarşeme
Girdîya Karakteran : 12 Punto 14 Punto 16 Punto 18 Punto
22 Gulane 2015 Îne 21:36

HÛMARA 75. YA NEWEPELÎ VEJÎYA

Xebere: Zazakî.Net

Hûmara 75. ya Newepelî bi roportaj, nuşte û xeberanê balkêşan vejîya.

Roportajê na hûmare hunermendêkê erjaye, Seywan Seîdîyan ke şarê Mahabadî yo û nika Dîyarbekir de maneno dir ameyo kerdiş. Seywan Seîdîyan roportajê xo de behsê kulturê hunerî yê rojhelatê Kurdistanî û tecrubeyanê xo yê hunerî keno.

Nuşteyê edîtorî de behsê tayê îstatîstîkan beno. Edîtor vano "Hedefanê Newepelî ra o tewr muhîm no bi ke warê xizmetê neteweyî de kadroyan amade bikero. Nika ma vînenê, tewr zaf nê hetî ra ma mesafe girewto. Sey nimûneyî, 75 hûmaranê Newepelî de 1610 nuşteyê cîya-cîyayî weşanîyayê, 36 cinî 225 camêrd 261 kesan tede nuşto. Nînan ra nêzdîyê 200 kesan reya verêne Newepel de dest bi nuştiş kerdo."

Na hûmare de Îhsan Tektaşî dezgeyanê neteweperestan yê tirkan ra "Türk Tarih Kurumu" û xebatanê nê dezgeyî ser o nuşto. Şîîrê na hûmare yê Faysal Bozkurt, Sîbel Doguç, Ugur Sermîyan, Sîyamend Mîrvanî, Rohelat Aktulum û Mujdat Gîzlîgolî yê.

Sevgî Tîmurtekîn hetê Licê ra, Îsmet Borî hetê Çewlîgî ra sanikî arêdayê. Şeyda Asmîn û Hacer Petekkaya nuşteyî nuştê. Gawon Welatî yew deyîre nuşta. Nadîre Guntaş Aldatmaz werdê ma, Ehmedê Dirihî nameyê nebatan nuştê.

Nuştoxanê na hûmare ra Sîbel Doguç û Sevgî Tîmurtekîn reya verên a ke kirdkî nusenê. Faysal Bozkurt zî reya verên a ke Newepel de nuseno.

Na xebere 2856 rey wanîyaya
No nuşte hema şîrove nêbîyo.