zazaki.net
24 Gulane 2017 Çarşeme
Girdîya Karakteran : 12 Punto 14 Punto 16 Punto 18 Punto
23 Nîsane 2015 Panşeme 11:26

Hûmara 74. ya Newepelî Vejîya

Xebere: Zazakî.Net

Hûmara 74. ya rojnameyê Newepelî bi muhtewayêka dewlemende û bi nuştoxanê neweyan vejîya.

Nuşteyê edîtorî yê na hûmare de behsê kulturê rexneyî beno. Edîtor vano "Cayo ke rexne tede çin bo dînamîzme averşîyayîşî zî nêbeno. Rexne tena tenkît nîyo, eslê xo de hîna zaf krîtîkkerdiş û erjnayîş o. Wezîfeyê rexnekerdoxî zî o nîyo ke tena pesnê yew eserî bido yan zî xirab bikero. Rexnekerdox çarçewa û hedefê xo dîyar keno, delîlanê xo yê sabîtan mojneno û peynî de hukmê xo dano."

Yaqub Guvenî kurdperweranê Qafqasya ra Mihemedê Silo Babayev dayo şinasnayene. Îbrahîm Beyazî derheqê projeyanê awbendan yê Dêrsimî de nuşto. Aydin Baturî mintiqaya Çewlîgî de laleyanê Deşta Xiraba ser o nuşto. Ehmedê Dirihî yew xatiraya xo nuşta. Îsmet Borî yew sanike û Murad Murxanî zî yew fiqra arêdaya.

Rîpelê cinîyan de Şeyda Asmîn, Necîbe Kirmizgul, Fîruzan Demir, Hêlîn Ergen, Hacer Petekkaya û Nadîre Guntaş Aldatmaze nuşto.

Şîîrê na hûmare yê Îdrîs Yazar, M. Mamet Qetekonij, Şaynebî Laçîn û Dilo Bargiranî yê.

Nînan ra teber xeberê muhîmî, nameyê nebatan, xaçepers û ferhengek rojname de ca gênê.

Nuştoxanê na hûmare ra Yaqub Guven û Hêlîn Ergen reya verên a ke bi kirdkî nusenê.  

Na xebere 3303 rey wanîyaya
No nuşte hema şîrove nêbîyo.