zazaki.net
29 Adare 2024 Îne
Girdîya Karakteran : 12 Punto 14 Punto 16 Punto 18 Punto
20 Çele 2015 Sêşeme 21:55

Hûmara 71. ya Newepelî Vejîya

Xebere: Zazakî.Net

Hûmara 71. ya rojnameyê Newepelî sey hûmaranê verênan bi muhtewayêka dewlemende vejîya.

Nuşteyê edîtorî yê na hûmara de behsê averşîyayîşê nuştoxîya kirdkî û problemanê nuştişî beno. Edîtor vano “Derdê nuştoxî wa o nêbo ke sey nuştox xo bido şinasnayîş. Eke nuştox, eseranê başan bido, biwazo nêwazo xora yeno şinasnayîş, hem zî bi hawayêko heqîqî û ebedî yeno şinasnayîş.

Necîbe Kirmizigul na hûmare de bi nuşteyêko derg behsê nêweşîya vatevate ya cinîyan kena. Necîbe vana “Çîyê ke faydeyê xo merdimî rê çin bo, merdimî aver nêbero meraqkerdişê ê çî zirar o, demên ra dima merdimî de beno nêweşî. Ez bêra nêweşîda cinîyan ser, zaf cayan de balê mi anto, cinî qisey nêkerê se nêşenê vinderê û cayê ke gereka tede qisey nêbo uca de zî nêşenê fekê xo tepîşê. Yew qala maya mi esta, tim vana, ‘Şima ziwanê cinîyan cikerê zî ê do fina qisey bikerê.’

Nuşteyê bînî yê na hûmare Kafur Seçilmek, Şeyda Asmîn, Ehmedê Dirihî, Cemsî Kaya, Sezaî Memîş, Emrulah Kaya û Mehemed Çelîktenî nuştê.

Ugur Sermîyanî yew sanike arêdaya, Zîba Ozdemir yew mamike, Henîfî Aydin û Îdrîs Yazarî her yewî yew deyîre arêdaya, Sevîm Aydin yew mesela arêdaya.

Nê nuştoxan ra Ugur Sermîyan, Kafur Seçilmek, Cemsî Kaya, Zîba Ozdemir û Henefî Aydin reya verên a ke nusenê. Bi no qayde her hûmare de nuştoxê kirdkî Newepel de zêdîyenê.

Şîîrê na hûmare zî yê Hacer Petekkaya, Adir Dêrisimj û Hemîd Hozanî yê.

Sey hûmaranê verênan na hûmare de zî Nadîre Guntaş Aldatmaz werdê ma, Ehmedê Dirihî zî nameyê nebatan dayê şinasnayene. Nînan ra teberê lîsteya kitabanê kirdkî ke 2014 de weşanîyayê na hûmare de ca girewto.

Na xebere 3947 rey wanîyaya
No nuşte hema şîrove nêbîyo.