zazaki.net
28 Adare 2024 Panşeme
Girdîya Karakteran : 12 Punto 14 Punto 16 Punto 18 Punto
15 Çele 2014 Çarşeme 14:06

Hûmara 59. ya Newepelî Vejîya

Necîbe Kirmizigul, Şahîn Kurkçu, Emre Kuş û Ebdulqadir Necaranij reya verên a ke kirdkî nusenê

Hûmara 59. ya rojnameyê safî kirdkî Newepelî bi muhtewayêka dewlemende vejîya.

Na hûmare de, “Deyîra Key Mela Xelîlî” ke Wehdet Sîwanijî fekê dengbêj Wisê Cimî ra arêdaya û şîîra Mehdî Özsoyî ya bi nameyê “Xirbê Xwu Ser Viraz Kêy Xwu” eserê tarîxî yê.

Na hûmare de Necîbe Kirmizigul, Şeyda Asmîn, Îsmet Bor û Mistefa Gomayîjî hîkayeyê xo dayê weşanayîş. Şoreş Şêrkoyî derheqê cuya Nelson Mandelayî de yew nuşte nuşto. Şahîn Kurkçu, Kendal Tosun û Alî Fuad Doguçî sanikî arêdayê.

Adir Dêrsimij, Bîlal Gelener, Sitarê Xelan û Emre Kuşî bi şîîranê xo rojname xemilnayo. Ebdulqadir Necarranijî yew fiqra nuşta. Ehmedê Dirihî sey hûmaranê verênan na hûmare de zî nameyê nebatan, Roşan Lezgînî zî kayanê ma ra yew kay nuşto. Nînan ra teber, ancî xeberî, xaçepers û ferhengekî cayê xo girewto.

Nuştoxanê ke na hûmare de nuşto ra Necîbe Kirmizigul, Şahîn Kurkçu, Emre Kuş û Ebdulqadir Necaranij reya verên a ke kirdkî nusenê. Ma vanê şima xeyr ameyî warê xebata nuştekî ya kirdkî.

Newepel mektebê heqîqî yê averberdişê ziwanê nuştekî yo.

Newepelî biwanîn, bidîn wendiş. Bibîn abone, bidîn ciwînayîş.

 

Na xebere 3710 rey wanîyaya
No nuşte hema şîrove nêbîyo.