zazaki.net
23 Oktobre 2017 Dişeme
Girdîya Karakteran : 12 Punto 14 Punto 16 Punto 18 Punto
15 Gulane 2013 Çarşeme 22:20

Hûmara 51. ya Newepelî Vejîya

Xebere: Zazakî.Net

Hûmara 51. ya rojnameyê safî bi kirdkî Newepelî vejîya.

Nuşteyê edîtorî yê na hûmare de behsê ciwîyayîş û berzbîyayîşê prestîjê ziwanî de rolê edebîyatî beno. Edîtor vano: “Milet yan zî grûbê ke îqtîdar ra bêpar ê, û ziwanê înan wayîrê tu statuyêk nîyo, eşkenê ziwanê xo bi edebîyatî zinde bikerê, bikerê wayîrê prestîjî. Kirdkî nika bi edebîyatî wazena vera lehçeyanê kurdkî yê sey kurmanckî û sorankî de prestîjê xo berz bikero û mîyanê nasnameya milî ya kurdan de cayê xo muşexes bikero. Kirdkî, esas wazena vera asîmîlasyonê neteweya serdeste de xo ver bido.

Roportajê na hûmare Seyîdxan Kurijî muzîsyen Yucel Eşsîzogluyî reyde kerdo. Yucel vano: “Ez girêdayê ju partî nîyo. Partîya mi şarê ma o. Labrê ma gerekana ziwandê xo ser o zaf bixebetîmî, qeçekanê xo bimusnimî. No maveyn di ez wazeno zazakî ser o qenalê televîzyonî abîyê.

Mehemed Çelîktenî bi fekê Şankuşî nuşteyêko muhîm nuşto ke do hûmaranê ameyeyan de dewam bikero. Murad Canşadî fekanê kirdkî ser o nuşto. Ancî Murad Celalî, Şeyda Asmîn, Mistefa Gomayij, Cemal Aydin û Erkan Tekînî her yewî yew nuşte nuşto. Şemsedîn Doganî hetê Pîranî ra yew deyîra muhîme arêdaya. Erdal Yusekkayayî hetê Çêrmûge ra yew sanike arêdaya. Îsmet Borî yew kay arêdayo. Sevîm Aydin yew şîîre nuşta.

Nê nuştoxan ra Erdal Yuksekkaya reya verên a ke nuseno. Nuştoxê Şewçila Erkan Tekîn zî reya verên a ke Newepel de nuseno.

Nînan ra teber na hûmare de gelêk xeberê muhîmî, nameyê nebatan, deyîre bi nota ra, xaçepers û ferhengek estê. 

Na xebere 1632 rey wanîyaya
No nuşte hema şîrove nêbîyo.